Maharashtra Corona Update : राज्यातील कोरोना संख्या आज दीडशेच्या आत: 140 नवे रुग्ण, 106 रुग्ण कोरोनामुक्त

देशभरात कोरोनाच्या चौथ्या लाटेचा धोका व्यक्त होत असला तरी राज्यातील कोरोना रुग्णसंख्येत सातत्याने घट होत आहे. राज्यात गेल्या 24 तासात कोरोनाचे 140 नवे रुग्ण आढळून आले आहे, तर एका रुग्णाचा मृत्यू झाला आहे. यासोबत राज्यात रविवारी 106 रुग्ण कोरोनामुक्त होऊन घरी परतले आहेत. त्यामुळे रुग्णसंख्या कमी होण्याबरोबरच राज्यात रुग्ण बरे होण्याचे प्रमाण वाढत आहे. मात्र सक्रिय रुग्णांच्या संख्येत आज किंचित वाढ झाली आहे. राज्यात आज 926 सक्रिय रुग्ण असून त्यांच्यावर उपचार सुरु आहेत.

राज्यात आत्तापर्यंत कोरोनाचे 78,73, 509 रुग्ण आढळून आले आहेत. तर 14,77,80 रुग्णांनी कोरोनामुळे आपला जीव गमावला आहे. याशिवाय राज्यात आजपर्यंत एकूण 77,24,803 रुग्ण कोरोनामुक्त होऊन घरी परतले आहेत. यामुळे राज्यातील रुग्ण बरे होण्याचे प्रमाण 98.11 टक्के झाले आहे. तर मृत्यूदर 1.87 टक्के झाला आहे. राज्यात आजपर्यंत तपासण्यात आलेल्या 7,92,49,720 कोरोना चाचण्यांपैकी 78,73,509 चाचण्या पॉझिटिव्ह आले आल्या आहे. हे प्रमाण 09.94 टक्के इतके आहे.

मुंबईकरांना वापरता येणार ब्रॅंड ‘मुंबई पोलीस’, पोलीस आयुक्तांची घोषणा