राज्यातील कोरोना रुग्ण बरे होण्याचे प्रमाण वाढले; रशियालाही टाकले मागे

राज्यात कोरोनाबाधितांची संख्या झपाट्याने वाढत असली तरी कोरोनामुक्त होण्याची संख्येत देखील वाढ होताना दिसत आहे. राज्यातील रुग्ण बरे होण्याचे प्रमाण ७४.८४ टक्क्यांवर पोहोचले आहे. गेल्या २३ तासांत राज्यात १५ हजार ७३८ नवे कोरोनाबाधित रुग्ण आढळले असून ३२ हजार ७ रुग्ण कोरोनामुक्त झाले आहेत. तसेच ३४४ रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांची संख्या १२ लाख २४ हजार ३८०वर पोहोचली आहे. यापैकी आतापर्यंत ३३ हजार १५ रुग्णांचा मृत्यू झाला असून ९ लाख १६ हजार ३४८ रुग्ण कोरोनामुक्त झाले आहे. राज्यातील कोरोनातून बरे होणाऱ्यांच्या संख्येने रशियाला मागे टाकले आहे. वर्ल्डोमीटरच्या आकडेवारीनुसार, रशियांत ११ लाख ९ हजार ५९५ कोरोनाबाधितांची संख्या असून यापैकी १९ हजार ४८९ रुग्णांचा मृत्यू झाला आहे. तर आतापर्यंत ९ लाख ११ हजार ९७३ रुग्ण कोरोनामुक्त झाले आहेत.

Maharashtra reports 15,738 new COVID-19 cases, 32,007 discharges and 344 deaths in the last 24 hours, taking total cases to 12,24,380 including 9,16,348 discharges, 33,015 deaths and 2,74,623 active cases: State Health Department pic.twitter.com/46nc5j1cZl

— ANI (@ANI) September 21, 2020

सध्या राज्यातील मृत्यूदर २.७ टक्के एवढा आहे. आतापर्यंत तपासण्यात आलेल्या ५९ लाख १२ हजार २५८ प्रयोगशाळा नमुन्यांपैकी १२ लाख २४ हजार ३८० (२०.७१ टक्के) नमुने पॉझिटिव्ह आले आहेत. सध्या राज्यात १८ लाख ५८ हजार ९२४ व्यक्ती होमक्वारंटाईनमध्ये आहेत. तर ३५ हजार ५१७ व्यक्ती संस्थात्मक क्वारंटाईनमध्ये आहेत. सध्या राज्यात २ लाख ७४ हजार ६२३ ऍक्टिव्ह रुग्ण आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे…