नाशिक शहरात दिवसभरात १९२५ नवे कोरोनाबाधित; शून्य मृत्यू

दिवसभरात एकाही रुग्णाचा मृत्यू न झाल्याने दिलासा

India Corona Update corona virus india 209 lakh new covid 19 cases and 959 death
India Corona Update: देशात आज कोरोनाबाधितांची संख्या अडीच लाखांच्या खाली, 959 रुग्णांचा मृत्यू

नाशिक : जिल्ह्यात दररोज उच्चांकी रुग्णसंख्येत वाढ होत असून, अवघ्या १३ दिवसांत कोरोना पॉझिटिव्हिटी रेट २५.९९ झाला आहे. नाशिक शहरात पॉझिटिव्हिटी रेट २९.१९, नाशिक ग्रामीण १७.९२, मालेगाव २४.३५ तर जिल्ह्याबाहेरील रुग्णांमध्ये ५८.९९ आहे.

जिल्ह्यात गुरुवारी (दि.१३)१ हजार 925 नवे रुग्ण कोरोना पॉझिटिव्ह आढळून आले. यामध्ये १ हजार 368 नाशिक शहर, 428 नाशिक ग्रामीण, ४७ मालेगाव आणि ८२ जिल्ह्याबाहेरील रुग्ण आहेत. दिवसभरात ८१४ रुग्ण कोरोनामुक्त झाले. सुदैवाने दिवसभरात एकाही रुग्णाचा मृत्यू झाला. जिल्ह्यात एकूण ४ लाख २४ हजार 768 रुग्ण बाधित आढळून आले. त्यापैकी ४ लाख ८ हजार 178 रुग्ण कोरोनामुक्त झाले.

जिल्ह्यात ८ हजार ७६६ रुग्णांचा कोरोनामुळे मृत्यू झाला आहे. जिल्ह्यात रुग्ण बरे होण्याचे प्रमाण ९६ टक्के आहे. त्यामुळे आरोग्य यंत्रणेला दिलासा मिळाला आहे. जिल्ह्यात ७ हजार ८२४ सक्रिय रुग्ण आहेत. त्यात नाशिक शहर ६ हजार ८८, नाशिक ग्रामीण १ हजार २८४, मालेगाव १३८ आणि जिल्ह्याबाहेरील ३१४ रुग्णांचा समावेश आहे.