आयसीएआयतर्फे नोव्हेंबर 2019 मध्ये सीए फाउंडेशन व इंटरमिजिएट परीक्षा घेण्यात आली होती. सीए इंटर परीक्षेत राकेश चौधरी, रुक्सार बूटवाला, चित्रा विरवाणी, मोहीत धमेछा, यांनी ग्रूप एक उत्तीर्ण करून यश संपादन केले. तर सीए फाउंडेशनमध्ये निखिता गोडसे, निकिता चव्हाण, अमृता कर्पे, सेजल माहेश्वरी, तूषार लिलाणी, नमन बागमार, अर्चित भडकमकर, केतकी गुजराथी, नीती जठाण, साबीया शेख, फातिमा मोंडे, योजना पाटील, अथर्व परदेशी आदी विद्यार्थ्यांनी यश संपादन केले आहे. नाशिकमधून इंटरमिडियट परीक्षेच्या नवीन अभ्यासक्रमासह 327 विद्यार्थ्यांनी ग्रूप एकची परीक्षा दिली होती. त्यापैकी 41 विद्यार्थी उत्तीर्ण झाले असून ग्रूप दोनसाठी प्रविष्ठ 128 पैकी26 विद्यार्थी उत्तीर्ण झाले. दोन्ही ग्रपसाठी एकाच वेळी प्रविष्ठ झालेल्या विद्यार्थ्यांपैकी 40 विद्यार्थी उत्तीर्ण झाले आहेत.