पोलिसांनी घेतले ‘सिव्हिल’च्या वैद्यकीय अधिकार्‍यांचे जबाब

 जिल्हा शासकीय रुग्णालयातील गैरव्यवहाराची माहिती संशयित बापूसाहेब चव्हाण यांना माहिती देणारा व्यक्ती रुग्णालयातील आहेत, असे चर्चा सिव्हिल वर्तुळात सुरु आहे. कोरोनाची पहिली लाट आटोक्यात आणण्यासाठी आरोग्य विभागासह जिल्हा प्रशासकीय यंत्रणेने विविध उपाययोजना सुरु केल्या. पहिल्या लाटेत मालेगावी कोरोनाचा विस्फोट झाला होता. मालेगाव नाशिक ग्रामीण पोलिसांसह जिल्हा यंत्रणा कोरोनाचा प्रादूर्भाव रोखण्यासाठी सर्वतोपरी प्रयत्न करीत होते. तरीही, मालेगावी कोरोना नियंत्रणात येत नव्हता.त्यावेळी जिल्हाधिकार्‍यांनी जिल्हा रुग्णालयातील एका वैद्यकीय अधिकार्‍यांची मालेगावी नियुक्ती केली. सुदैवाने मालेगावी कोरोना नियंत्रणात आला. त्यावेळी जिल्हाधिकार्‍यांनी संबंधित वैद्यकीय अधिकार्‍याचे कौतुक केले. ही बाब जिल्हा रुग्णालयातील इतर वैद्यकीय अधिकार्‍यांच्या पचनी पडली नाही. त्यामुळेच नाराज वैद्यकीय अधिकार्‍याने संशयित चव्हाण यांना पुढे केले असावे. शिवाय, निनावी पत्र वरिष्ठ अधिकार्‍यांना देण्यात आले आहे. चव्हाण आणि निनावी पत्रांचा आशय एकच असल्याची चर्चा सुरु आहे. जिरावाजिरवीच्या राजकारणात मात्र आरोग्य व्यवस्थेकडे दुर्लक्ष होत आहे, अशीही चर्चा सिव्हिल वर्तुळात सुरु आहे.