कोरोनाचा संसर्ग रोखण्यासाठी एकीकडे सोशल डिस्टन्सिंगचे पालन करण्याचे आवाहन केले जात असताना उत्तर प्रदेशच्या गाझियाबादमध्ये सोमवारी सोशल डिस्टन्सिंगचा अक्षरश: फज्जा उडाल्याचे बघायला मिळाले होते. त्यानंतर मंगळवारी मुंबईतील वांद्रे टर्मिनसवर पुन्हा एकदा परप्रांतिय मजुरांनी तुफान गर्दी केल्याचे समोर आले आहे.
मंगळवारी सकाळी नऊ वाजता मजूर वांद्रे स्टेशन परिसरात जमले होते. यावेळीही सोशल डिस्टन्सिंगचा बोजवारा उडाला असला तरी या मजुरांच्या गर्दीवर नियंत्रण मिळवण्यात पोलिसांना यश आले आहे. १४ एप्रिल रोजी पहिला लॉकडाऊन संपल्यानंतर वांद्रे स्थानकाबाहेर अचानक अशीच तुफान मजुरांची गर्दी झाली होती आणि आज पुन्हा तसाच प्रकार घडल्याचे समोर आले आहे.
#WATCH Maharashtra: Huge crowd of migrant workers gathered outside the Bandra railway station in Mumbai earlier today to board a "Shramik special' train to Bihar. Only people who had registered themselves(about 1000) were allowed to board, rest were later dispersed by police. pic.twitter.com/XgxOQmSzEb
— ANI (@ANI) May 19, 2020
मिळालेल्या माहितीनुसार, बिहारला जाणाऱ्या या श्रमिक स्पेशल ट्रेनमधून जाण्यासाठी हे मजूर वांद्रे टर्मिनसवर आले होते. त्यापैकी नोंदणी केलेल्या साधारण १००० मजुरांना ट्रेनमध्ये प्रवेश देण्यात आला आहे.
1. सूचित किया जाता है कि 19/5/2020 को बांद्रा टर्मिनस से पूर्णिया हेतु राज्य सरकार द्वारा पंजीकृत व नामित यात्रियों के लिए श्रमिक स्पेशल चलाई गई जिसके लिए कई नाॅन रजिस्टर्ड लोग ब्रिज व रोड पर इकट्ठा हो गए थे। पंजीकृत यात्रियों को ले ट्रेन रवाना होने के बाद ये लोग वहां से हट गए। pic.twitter.com/yin0NlXwWV
— Western Railway (@WesternRly) May 19, 2020
या घडलेल्या प्रकाराबद्दल पश्चिम रेल्वेने ट्वीटद्वारे माहिती दिली आहे, ‘१९ मे २०२० रोजी राज्य सरकारकडून नोंदणी केलेल्या प्रवाशांसाठी वांद्रे टर्मिनस ते पूर्णिया श्रमिक स्पेशल ट्रेन सोडण्यात आली. त्यासाठी नोंदणी न केलेल्या अनेक मजूरांनी पूल आणि रस्त्यावर गर्दी केली होती. नोंदणीकृत मजुरांना घेऊन ही ट्रेन रवाना झाली मात्र उर्वरित गर्दी पोलिसांनी कमी केली.’
1. सूचित किया जाता है कि 19/5/2020 को बांद्रा टर्मिनस से पूर्णिया हेतु राज्य सरकार द्वारा पंजीकृत व नामित यात्रियों के लिए श्रमिक स्पेशल चलाई गई जिसके लिए कई नाॅन रजिस्टर्ड लोग ब्रिज व रोड पर इकट्ठा हो गए थे। पंजीकृत यात्रियों को ले ट्रेन रवाना होने के बाद ये लोग वहां से हट गए। pic.twitter.com/yin0NlXwWV
— Western Railway (@WesternRly) May 19, 2020
दरम्यान पश्चिम रेल्वेच्या दुसऱ्या ट्विटमध्ये असे सांगण्यात आले की, ‘सध्या स्टेशनवरील सर्व तिकीट काऊंटर बंद असल्याने कोणतेही तिकीट मिळत नाही. श्रमिक स्पेशल ट्रेनमध्ये राज्य सरकारकडे नोंदणी केलेल्या प्रवाशांनाच प्रवासाची परवानगी दिली जाते. त्यामुळे लोकांनी कोणत्याही कारणाशिवाय स्टेशनवर गर्दी करु नये,’ असे आवाहनही पश्चिम रेल्वेने पुढच्या ट्वीटमध्ये केले आहे.