मुंबई :सांस्कृतिक कार्यक्रमांची मेजवानी, कलाकारांचे बहारदार नृत्य, कार्यक्रमांच्या प्रारंभीच सादर झालेली गणेश वंदना आणि शिवराज्याभिषेक वर्षाच्या पार्श्वभूमीवर सादर झालेल्या कार्यक्रमांनी 57 व्या राज्य मराठी चित्रपट पुरस्कार सोहळ्यात चांगलीच रंगत भरली. याच पुरस्कार सोहळ्यात महाराष्ट्र शासनाकडून दिला जाणारा राज्याचा सर्वोच्च नागरी सन्मान असणारा “महाराष्ट्र भूषण” पुरस्कार ज्येष्ठ अभिनेते अशोक सराफ यांना तर मानाचा “गानसम्राज्ञी लता मंगेशकर पुरस्कार” ज्येष्ठ पार्श्वगायक सुरेश वाडकर यांना मुख्यमंत्री एकनाथ शिंदे यांच्या हस्ते प्रदान करण्यात आला. तसेच, मराठी व हिंदी चित्रपटसृष्टीसाठी आपल्या कलेच्या माध्यमातून अनेक वर्ष योगदान देत रसिकांची व कलासृष्टीची सेवा करणाऱ्या ज्येष्ठ कलावंतांना दिला जाणारा राजकपूर जीवनगौरव आणि विशेष योगदान पुरस्कार, चित्रपती व्ही. शांताराम जीवनगौरव आणि विशेष योगदान पुरस्कारही यावेळी प्रदान करण्यात आले. यावेळी सांस्कृतिक कार्यमंत्री सुधीर मुनगंटीवार, मंत्री दीपक केसरकर उपस्थित होते. (PHOTO Dignitaries at the State Film Awards ceremony)
ज्येष्ठ अभिनेते अशोक सराफ यांना राज्याचा सर्वोच्च नागरी “महाराष्ट्र भूषण” पुरस्कार देऊन गौरव करण्यात आला
वर्ष 2022 चा स्व. राजकपूर जीवनगौरव पुरस्कार हेलन यांना मुख्यमंत्री एकनाथ शिंदे यांच्या हस्ते प्रदान करण्यात आला
ज्येष्ठ पार्श्वगायक सुरेश वाडकर यांना “गानसम्राज्ञी लता मंगेशकर पुरस्कार” देऊन गौरवण्यात आले
ज्येष्ठ अभिनेत्री उषा नाईक यांना मुख्यमंत्री एकनाथ शिंदे यांनी सन 2022 चा चित्रपती व्ही. शांताराम जीवनगौरव पुरस्कार देऊन गौरव केला
स्व. राजकपूर जीवनगौरव पुरस्कार वर्ष २०२० ने ज्येष्ठ अभिनेत्री अरुणा इराणी यांचा गौरव करण्यात आला
स्व. राजकपूर विशेष योगदान पुरस्काराने ज्येष्ठ दिग्दर्शक जे. पी. दत्ता यांचा मुख्यमंत्री एकनाथ शिंदे यांच्या हस्ते सत्कार करण्यात आला
चित्रपती व्ही. शांताराम विशेष योगदान पुरस्कार 2021 ने ज्येष्ठ गायक रवींद्र साठे यांना गौरविण्यात आले
2020 सालचा चित्रपती व्ही. शांताराम योगदान पुरस्कार दिग्दर्शक गजेंद्र अहिरे यांना प्रदान करण्यात आला
२०२२ चा चित्रपती व्ही.शांताराम योगदान पुरस्कार दिग्दर्शक नागराज मंजुळे यांना प्रदान करण्यात आला
स्व. रविंद्र महाजनी यांच्या अनमोल योगदानाबदद्वदल त्यांना मरणोत्त्तर चित्रपती व्ही. शांताराम विशेष योगदान पुरस्कार वर्ष २०२० देण्यात आला. स्व. रवींद्र महाजनी यांचे सुपूत्र गशमीर महाजनी यांनी तो स्वीकारला
