इंग्लंड दौऱ्यावर रवाना होण्यापुर्वी पाकिस्तानच्या खेळाडूंची कोरोना चाचणी करण्यात आली आहे. सोमवारी पाकिस्तान संघातील हैदर अली, हरीस रौफ आणि शादाब खान या तीन खेळाडूंची कोरोना टेस्ट पॉझिटिव्ह आले होते आणि आता त्यात आणखी सात खेळाडूंची भर पडली आहे.
PCB has confirmed that another 7 players have tested positive for Covid-19. Players who have tested positive are: Fakhar Zaman, Imran Khan, Kashif Bhatti, Mohammad Hafeez, Mohammad Hasnain, Mohammad Rizwan and Wahab Riaz #ENGvPAK #Covid19 #Cricket
— Saj Sadiq (@Saj_PakPassion) June 23, 2020
मोहम्मद हाफिज आणि वहाब रियाजसह आणखी सात पाकिस्तानी क्रिकेटपटू कोरोना पॉझिटिव्ह असल्याचे आढळले आहे. पाकिस्तान क्रिकेट बोर्डाने ही माहिती दिली आहे. यासह, कोरोना संक्रमित खेळाडूंची संख्या १० झाली आहे. पाकिस्तानच्या १० खेळाडूंसह एकूण ३५ सपोर्ट स्टाफ सदस्यांना कोरोनाची लागण झाली आहे. असे पाकिस्तान क्रिकेट मंडळाने मंगळवारी तसे जाहीर केले आहे.
कोरोनाची लागण झालेल्या या ७ खेळाडूंमध्ये काशिफ भट्टी, मोहम्मद हसनैन, फखर जमां, मोहम्मद रिझवान, इम्रान खान, मोहम्मद हाफिज आणि वहाब रियाज यांचा समावेश आहे. संघाच्या १० खेळाडूंना कोरोनाची लागण झाल्यानंतर पाकिस्तानचा इंग्लंड दौरा आता धोक्यात आला आहे. पाकिस्तान क्रिकेट बोर्डाचे (पीसीबी) मुख्य कार्यकारी अधिकारी वसीम खान यांनी पत्रकार परिषदेत सांगितले की, ही चांगली परिस्थिती नसून तंदुरुस्त आणि तरूण १० खेळाडू असून देखील त्यांच्यासोबत असे घडले आहे.
SECOND update on Covid-19 testshttps://t.co/Zx3Qf8eJd5 pic.twitter.com/yu8p9YhEWO
— PCB Media (@TheRealPCBMedia) June 23, 2020
पाकिस्तानची २९ सदस्यीय संघ २८ जून रोजी इंग्लंडला रवाना होणार आहे. या दौर्यावर पाकिस्तान इंग्लंड विरुद्ध तीन सामन्यांची कसोटी आणि इंग्लंडविरुद्ध अशीच टी -२० मालिका खेळणार आहे. पाकिस्तानमध्ये कोरोना विषाणूची लागण वेगाने पसरत आहे आणि देशात आतापर्यंत सुमारे १ लाख ८५ हजार रुग्णांची नोंद झाली आहे. यापैकी ३ हजार ६९५ लोकांचा विषाणूमुळे मृत्यू झाला आहे.