नवी दिल्लीः बाबा अपराजित आणि बाबा इंद्रजित यांनी रणजी ट्रॉफी 2022 च्या दुसऱ्या फेरीत चमकदार कामगिरी केली. दोन्ही फलंदाजांनी 205 धावांची भागीदारी केली आणि तामिळनाडूची धावसंख्या 470 पर्यंत नेण्यात महत्त्वपूर्ण योगदान दिले. दोन्ही फलंदाजांनी मिळून 293 धावा केल्या. रणजी ट्रॉफीच्या इतिहासात जुळ्या भावांनी एकाच संघाकडून खेळताना शतक झळकावण्याची ही पहिलीच वेळ आहे.
याआधीही दोन्ही फलंदाजांनी एकाच सामन्यात शतके झळकावलीत, मात्र त्यानंतर दोघेही वेगवेगळ्या संघाकडून खेळत होते. या सामन्यात बाबा अपराजितने 267 चेंडूत 166 धावा केल्या. यादरम्यान त्याने 15 चौकार आणि चार षटकार मारले. त्याचवेळी बाबा इंद्रजीतने 141 चेंडूत 127 धावांची खेळी केली. यादरम्यान त्याच्या बॅटमधून 21 चौकार लगावण्यात आले. अपराजितला सुमित रुईकरने झेलबाद केले. त्याचवेळी इंद्रजीतला अजय मंडलने क्लीन बोल्ड केले. अपराजितचा हा 10वा आणि इंद्रजीतचा 11वा प्रथम श्रेणी सामना आहे.
दोघांच्या शतकांमुळे तामिळनाडूची स्थिती मजबूत
जुळ्या भावांच्या शतकांमुळे तामिळनाडू या सामन्यात मजबूत स्थितीत पोहोचला. यामध्ये बाबा अपराजितच्या 166, इंद्रजित 127 आणि शाहरुख खानच्या 69 धावांचे महत्त्वपूर्ण योगदान दिले. या सामन्यात तामिळनाडूने पहिला डाव नऊ गडी गमावून 470 धावा करून घोषित केला. छत्तीसगडकडून सुमित रुईकरने चार आणि अजय जाधव मंडलने तीन गडी बाद केले. त्याचवेळी तामिळनाडूचे दोन फलंदाज धावबाद झाले.
याच सामन्यात शतक ठोकले
याआधी जेव्हा या दोन फलंदाजांनी एकाच सामन्यात शतके ठोकली होती, तेव्हा बाबा अपराजित इंडिया रेड आणि इंद्रजित इंडिया ग्रीनकडून खेळत होते. टाईम्स ऑफ इंडियाशी संवाद साधताना इंद्रजीतने सांगितले की, या दोन्ही खेळाडूंना लहानपणापासून एकमेकांसोबत फलंदाजी करायला आवडते. दोघेही नेहमी एकमेकांना मदत करतात. मागच्या वेळी दोघांनी एकत्र शतक झळकावले, तेव्हा ते वेगवेगळ्या संघांसाठी खेळायचे. मात्र, इंद्रजितने एकत्र खेळताना हा पराक्रम केला हे विशेष होते. त्याचवेळी बाबा अपराजित म्हणाले की, इंद्रजीत वेगाने धावा करत होता, पण त्याला सावधपणे फलंदाजी करायची होती. त्यामुळेच त्यांनी वेळ मारून नेली. संथ खेळपट्टीकडे पाहून त्याने फलंदाजी केली.
