जम्मू-काश्मीरमधील कुलगाम जिल्ह्यातील चिंगम भागात सुरक्षा दल आणि अतिरेक्यांमध्ये चकमक सुरू आहे. यात दोन दहशतवादी ठार झाले आहेत. जम्मू-काश्मीर पोलिसांनी ही माहिती दिली आहे. यानंतर जवानांनी एम-४ रायफल आणि एक पिस्तुल हस्तगत केले. जवानांकडून या परिसरात शोधमोहीम राबवली जात आहे.
An encounter between security forces and terrorists is underway in Chingam area of Kulgam district. Further details shall follow: Jammu and Kashmir Police
— ANI (@ANI) October 10, 2020
मिळालेल्या माहितीनुसार, चिंगम परिसरात दहशतवादी दडून बसले असल्याची माहिती जवानांना मिळाली होती. त्यानंतर परिसरात वेढा देऊन शोधमोहीम सुरू करण्यात आली. दरम्यान परिसरात दडून बसलेल्या दहशतवाद्यांनी जवानांवर गोळीबार सुरू केला. जवानांकडून दहशतवाद्यांना चोख प्रत्युत्तर देण्यात आले. यावेळी झालेल्या चकमकीत दोन दहशतवाद्यांचा खात्मा करण्यात जवानांना यश आले. चकमक झाल्यानंतर देखील परिसरात जवानांकडून शोधीमोहीम राबवली जात आहे.
#UPDATE Joint operation in Chingam area of Kulgam district has concluded. Total two terrorists eliminated. One M4 rifle & one pistol recovered: Defence PRO, Srinagar. #JammuAndKashmir https://t.co/TP5PAd63W4
— ANI (@ANI) October 10, 2020
काश्मीर खोऱ्यात पुन्हा एकदा दहशतवाद्यांच्या चकमकी सुरू झाल्या असून, दक्षिण काश्मीरमधील पंपोर येथे दहशतवाद्यांनी केलेल्या गोळीबारात सीआरपीएफचे दोन जवान शहीद झाले होते. तर तीन जवान जखमी झाले होते. तर या अगोदर जम्मू-काश्मीरमधील शोपियां जिल्ह्यातील सुगन झैनापोरा भागात जवान व दहशतवाद्यांमध्ये जोरदार चकमक झाली होती. या चकमकीत देखील दोन दहशतवाद्यांचा खात्मा करण्यात जवानांना यश आले होते.