लासलगाव जळीतप्रकरण : मुख्य संशयितास पोलीस कोठडी

Nashik
women taluka presidents car burnt down in bhiwandi

महिला जळीतकांडप्रकरणी मुख्य संशयित रामेश्वर उर्फ बाला मधुकर भागवत यास निफाड येथील वरिष्ठ स्तर न्यायाधीश एस. बी. काळे यांच्या समोर हजर केले असता, तीन दिवसांची पोलिस कोठडीत ठेवण्याचे आदेश दिले.

सहायक पोलीस निरीक्षक खंडेराव रंजवे यांनी सोमवारी (दि.१७) दुपारी न्यायालयासमोर हजर केले. सरकारी वकील राजीव तडवी यांनी पिडितेची प्रकृती चिंताजनक असून, संशयिताकडून लासलगाव तसेच विविध ठिकाणी तपास करणे आवश्यक आहे. यामुळे पोलीस कोठडीची आवश्यकता असल्याचा युक्तिवाद केला. न्यायालयाने सदर घटना ही सार्वजनिक ठिकाणी घडलेली आहे. यामुळे पिडितेचे काहीही म्हणणे असू शकते. तरी शासकीय यंत्रणेने 326 नुसार कलम लावावे, असे निर्देश दिले. संशयिताच्यावतीने अ‍ॅड. उत्तम कदम यांनी बाजु मांडली. निफाडचे पोलीस उपअधीक्षक माधव रेड्डींनी सकाळी तपासाचा आढावा घेत काही सूचना केल्याचे समजते. तसेच सदर पिडिता मुंबई येथील मसीना रूग्णालयात उपचार घेत असुन तिची प्रकृती चिंताजनक असल्याचे समजते.