रेड झोन हा सर्वात धोकादायक झोन आहे. रेड झोन म्हणजे या भागात मोठ्या प्रमाणात कोरोनाचे रुग्ण आढळले आहेत. या भागात संसर्ग होण्याची किंवा वाढण्याची शक्यता जास्त आहे. ज्या जिल्ह्यांत कोरोनाचे रुग्ण जास्त आहेत त्यांचा समावेश रेड झोनमध्ये केला जातो.
परवानग्या आणि निर्बंध
१. ओला, उबेर सारख्या रिक्षा, ऑटो आणि टॅक्सींना रेड झोनमध्ये चालवण्यास परवानगी नाही. सलून, स्पा, ब्युटी पार्लर देखील उघडणार नाहीत आणि बस देखील बंद असतील.
२. या झोनमध्ये लोकांना खासगी वाहनाने काही सेवांसाठी प्रवास करण्याची मुभा दिली जाईल. परंतु ड्रायव्हरशिवाय दोनच लोक कारमध्ये बसू शकतील. दुचाकी वाहनांच्या बाबतीत केवळ ड्रायव्हरलाच प्रवास करण्याची परवानगी दिली जाईल.
३. सेझ (विशेष आर्थिक झोन) आणि ईओयू (निर्यात करणाऱ्या कंपन्या) तसेच औद्योगिक शहरे आणि क्षेत्रांना कामकाजापासून पूर्णपणे सूट देण्यात आली आहे.
४. यासह आयटी हार्डवेअरच्या कंपन्यांसह आवश्यक वस्तू, औषध, वैद्यकीय उपकरणे व इतर उत्पादन घटकांसह संपूर्ण पुरवठा साखळीला सूट देण्यात आली आहे.
५. श्रम-आधारित जमवाजमव आणि पॅकेजिंग उद्योगास सामाजिक अंतराच्या नियमांचे पालन करण्याच्या अटीसह काम करण्याची परवानगी दिली जाईल.
६. प्रिंट, इलेक्ट्रॉनिक मीडिया, आयटी सेवा, कॉल सेंटर, कोल्ड स्टोरेज, वखार सेवा (विअरहाउसिंग) आणि खाजगी सुरक्षा रक्षक यांना काम करण्याची परवानगी आहे.
हेही वाचा – Lockdown 3: वाचा १७ मे पर्यंत काय चालू आणि काय बंद?
शहरी रेड झोनसाठी विशेष तरतूद
१. ज्या ठिकाणी मजूर मुक्काम करतात तेथे फक्त बांधकामे कामे केली जातील. बाहेरून मजूर आणून ते काम करू शकणार नाहीत.
२. मॉल आणि बाजारपेठा बंद राहतील. परंतु कॉलनी, निवासी आणि सर्व वेगळी दुकाने उघडण्यास परवानगी देण्यात आली आहे. अत्यावश्यक आणि अनावश्यक यात काही फरक नाही.
३. ई-कॉमर्सला केवळ आवश्यक वस्तूंचा पुरवठा करण्याची परवानगी दिली जाईल. अनावश्यक वस्तूंच्या विक्रीवर बंदी कायम राहील.
४. सर्व खाजगी कार्यालये उघडण्याची परवानगी देण्यात आली आहे, परंतु केवळ ३३ टक्के कर्मचारी काम करतील. बाकीचे कर्मचारी घरातूनच काम करतील.
५. सर्व शासकीय कार्यालये खुली असतील, जेथे उपसचिवावरील सर्व अधिकारी उपस्थित असतील, परंतु उर्वरित कर्मचार्‍यांपैकी फक्त ३३ टक्के कर्मचाऱ्यांसह काम करावे लागेल.
६. संरक्षण, आरोग्य, पोलिस, जेल, होमगार्ड, नागरी संरक्षण, अग्निशमन सेवा, आपत्ती व्यवस्थापन, एनआयसी, कस्टम, एफसीआय एनसीसी, नेहरू युवा केंद्र आणि महानगरपालिका यांना पूर्णपणे सूट देण्यात येईल.
ग्रामीण भागात रेड झोन मध्ये घट
१. ग्रामीण भागातली परिस्थिती रेड झोन जिल्ह्यात, कंटेनमेंट भागात आणि बफर झोन वगळता संपूर्ण जिल्ह्याला मनरेगा, फूड प्रोसेसिंग कंपन्या आणि वीटभट्ट्यांसह सर्व आर्थिक व बांधकामांना सूट देण्यात येईल.
२. सर्व दुकाने आणि मॉल्स उघडतील आणि शेतीशी संबंधित कोणत्याही कामावर कोणतेही बंधन नाही.
३. बँक, विमा यासह सर्व प्रकारच्या आर्थिक क्रिया पूर्णपणे कार्यरत असतील.
४. अंगणवाडीसह महिला, विधवा, वृद्ध आणि मुलांच्या देखरेखीसाठी विशेष आश्रमशाळांना काम करण्याची परवानगी आहे.
५. कुरिअर आणि टपाल सेवेला देखील परवानगी दिली जाईल.
