रियलमीचा Realme C15 दमदार बॅटरीवाला स्मार्टफोन इंडोनेशियामध्ये लाँच करण्यात आला आहे. कंपनीच्या सी मालिकेचा हा नवीन स्मार्टफोन आहे. Realme C15 ऑक्टा-कोर प्रोसेसर आणि क्वाड कॅमेरा सेटअपसह सादर करण्यात आला आहे. हा फोन भारतात लाँच केला जाईल की नाही हे सध्या तरी स्पष्ट झालेलं नाही.
Realme C15 च्या 3GB + 64GB व्हेरिएंटची किंमत आयडीआर १,९९९,००० (सुमारे १०,३०० रुपये), 4GB + 64GB व्हेरिएंटची आयडीआर २,१९९,००० (सुमारे ११,३०० रुपये) आणि 4GB + 128GB व्हेरिएंटची किंमत आयडीआर २,४९९,००० (सुमारे १२,८०० रुपये) ठेवण्यात आली आहे. फोन मरीन ब्लू आणि सिगल सिल्व्हर अशा दोन रंगांच्या पर्यायांमध्ये उपलब्ध असेल.
Realme C15 ची वैशिष्ट्य
ड्यूल-सिम (नॅनो) सपोर्ट असलेला हा स्मार्टफोन अँड्रॉइड 10 बेस्ड Realme UI वर चालतो. 420 nits ब्राइटनेससह ६.५ इंच मिनी-ड्रॉप (720×1,600 पिक्सेल) डिस्प्ले देण्यात आला आहे. या स्मार्टफोनमध्ये 4GB LPDDR4X रॅम आणि GE8320 GPU सह ऑक्टा-कोर MediaTek Helio G35 प्रोसेसर दिला आहे. फोनच्या मागील बाजूस 13MP प्रायमरी कॅमेरा, 8MP अल्ट्रा-वाइड एंगल कॅमेरा, 2MP ब्लॅक अँड व्हाइट सेन्सर आणि 2MP कॅमेरा देण्यात आला आहे. सेल्फीसाठी 8MP चा कॅमेरा दिला आहे. याची बॅटरी 6,000mAh असून 18W वेगवान चार्जिंगचा सपोर्ट आहे.
