एमआयएमचे अध्यक्ष आणि लोकसभा खासदार असदुद्दीन ओवेसी यांनी आज कोरोना लसीचा पहिला डोस घेतला आहे. त्यांनी ट्विट करून याबाबत माहिती दिली असून ते म्हणाले की, ‘कोरोनापासून सुरक्षित ठेवण्यासाठी लस आपल्याला मदत करते आणि आपल्या जवळच्या व्यक्तींचा धोका देखील कमी करते. जे लोक लसीकरणासाठी पात्र आहे, त्यांनी लवकरात लवकर अपॉइंटमेंट घेऊन लस घ्यावी. अल्लाह आपल्याला या महामारीपासून वाचवेल.’ माहितीनुसार ओवेसी यांनी कोव्हिशिल्ड लस घेतल्याचे सांगितले जात आहे.
Alhamdulilah took the first dose of #vaccine today. Vaccination not only helps protect oneself from #COVIDー19 but also reduces risk for all. I urge everyone eligible to schedule an appointment at the earliest & get themselves vaccinated. May Allah protect us from the pandemic pic.twitter.com/9CjHMVn2Ji
— Asaduddin Owaisi (@asadowaisi) March 22, 2021
संपूर्ण देशभरात १६ जानेवारीपासून लसीकरणाच्या पहिल्या टप्प्याला सुरुवात झाली. त्यानंतर १ मार्चपासून लसीकरणाच्या दुसऱ्या टप्प्याला सुरुवात झाली. या दुसऱ्या टप्प्याच्या सुरुवातीलाच पंतप्रधान नरेंद मोदी यांनी कोरोना लसीचा पहिला डोस घेतला. भारत बायोटेकच्या ‘कोव्हॅक्सिन’लस मोदींनी घेतली. त्यानंतर अनेक मोठ्या नेत्यांनी कोरोना लसीचा डोस घेतला. याच दिवशी राष्ट्रवादी काँग्रेसचे अध्यक्ष शरद पवार यांनी देखील कोरोनाची लस घेतली. शरद पवार यांनी सीरम इन्स्टिट्यूटची कोव्हिशिल्ड लस टोचून घेतली.
११ मार्च रोजी मुख्यमंत्री उद्धव ठाकरे यांनी मुंबईत जे. जे. रुग्णालयात कोरोनाची लस घेतली. ‘कोव्हॅक्सिन’या लसीचा उद्धव ठाकरे यांनी पहिला डोस घेतला. त्यांच्यासोबत पत्नी रश्मी ठाकरे आणि त्यांच्या मातोश्रींनी कोरोनाची लस घेतली. शिवाय उद्धव ठाकरे यांचे स्वीय सहाय्यक आणि शिवसेना सचिव मिलिंद नार्वेकर यांनीही कोरोना लसीचा पहिला डोस घेतला.
हेही वाचा – परमबीर सिंग यांची सर्वोच्च न्यायालयात धाव; आरोपांची सखोल चौकशी करण्याची केली मागणी
