गेल्या वर्षभरापासून देशात कोरोनाचा कहर सुरू आहे. देशात कोरोना संसर्गाला सुरुवात झाल्यापासून दिवसेंदिवस बाधितांच्या आकड्यात वाढ होताना दिसतेय. सोमवारी देशात १ लाख ६८ हजारांहून अधिक कोरोना पॉझिटिव्ह रुग्णांची नोंद करण्यात आली तर गेल्या २४ तासात आज १ लाख ६१ हजारांहून अधिक नवे रूग्ण आढळ्याचे समोर आले आहे. असे असले तरी दिलासादायक बाब म्हणजे सोमवारच्या तुलनेत आज कोरोनावर मात करण्याच्या संख्येत वाढ झाली असून गेल्या २४ तासात ९७ हजार १६८ जणांना रुग्णालयातून डिस्चार्ज देण्यात आला आहे.
India reports 1,61,736 new #COVID19 cases, 97,168 discharges and 879 deaths in the last 24 hours, as per Union Health Ministry
Total cases: 1,36,89,453
Total recoveries: 1,22,53,697
Active cases: 12,64,698
Death toll: 1,71,058Total vaccination: 10,85,33,085 pic.twitter.com/ndxnchFoIp
— ANI (@ANI) April 13, 2021
केंद्रीय आरोग्य मंत्रालयाने गेल्या २४ तासांत झालेली रुग्णवाढ आणि मृतांची आकडेवारी जाहीर केली. यानुसार देशात गेल्या २४ तासात १ लाख ६१ हजार ७३६ नवे कोरोनाबाधित रुग्ण आढळल्याने आतापर्यंत बाधितांचा आकडा १ कोटी ३६ लाखांवर पोहोचला आहे. तर या कालावधीत देशात ८७९ कोरोना रुग्णांचा मृत्यू झाला असून आतापर्यंत १ लाख ७१ हजार ५८ जणांना कोरोनामुळे आपला जीव गमवावा लागला आहे. देशात सध्या १२ लाख ६४ हजार ६९८ जणांवर कोरोनाचे उपचार सुरू आहेत. या चिंताजनक वातावरणात दिलासादायक म्हणजे आतापर्यंत १ कोटी २२ लाख ५३ हजारांहून अधिकांनी कोरोनावर यशस्वीरित्या मात केली असल्याचे आरोग्य मंत्रालयाकडून सांगण्यात येत आहे.
देशात कोरोना बाधितांचा आकडा वाढत असताना दुसरीकडे देशात वेगाने लसीकरण मोहीम सुरू आहे. देशात आतापर्यंत एकूण १० कोटी ८५ लाखांहून अधिक नागरिकांना कोरोनाची लस देण्यात आली आहे. तर देशातील सर्वाधिक कोरोना रुग्ण महाराष्ट्र आढळून येत असल्याने महाराष्ट्राप्रमाणे इतर राज्यांमध्येही कोरोना स्थिती गंभीर होत आहे. याचपार्श्वभूमीवर महाराष्ट्रासह दिल्लीमध्येही लॉकडाऊनची घोषणा होण्याची शक्यता वर्तवण्यात येत आहे.
