Maharashtra Corona Update: सलग दुसऱ्या दिवशी राज्यात एकही Omicron रुग्ण नाही, कोरोनाबाधित रूग्णांची संख्याही घटली

राज्यातील कोरोनाचा धोका दिवसेंदिवस कमी होत असताना आता कोरोनाच्या नव्या ओमिक्रॉन व्हेरिएंटची दहशतही कमी होऊ लागली आहे. राज्यात आज सलग दुसऱ्या दिवशी एकाही ओमिक्रॉन रुग्णांची नोंद करण्यात आलेली नाही. गेल्या काही दिवसांपासून कोरोना रुग्णांच्या संख्येत घट सुरू आहे. आज, शुक्रवारी राज्यात १३ हजार ८४० नव्या बाधित रुग्णांची नोंद करण्यात आली आहे. बुधवारी हीच संख्या १५ हजारांहून अधिक होती. आज या संख्येत दोन हजारांनी घट झाली आहे. राज्यातील कोरोनाची तिसरी लाट येऊन गेल्याचे आरोग्य मंत्र्यांनी सांगितले आहे.

त्याचप्रमाणे राज्यातील मृत्यू संख्या पाहता आज राज्यात ८१ करोना बाधित रुग्णांच्या मृत्यूंची नोंद करण्यात आली आहे. राज्याचा मृत्यूदरही कमी असून रिकव्हरी रेटही वाढला आहे. राज्याचा सध्याचा मृत्यूदर हा १.८३टक्के इतका आहे तर रिकव्हरी रेट ९६.२६ टक्के झाला आहे.

आज रोजी राज्यात एकूण २७ हजार ८९१ कोरोना बाधित रुग्णांनी कोरोनावर मात केली असून त्यांना रुग्णालयातून घरी सोडण्यात आले आहे. राज्यात आजपर्यंत रिकव्हर झालेल्या रुग्णांची संख्या ही ७४ लाख ९१ हजार ७५९ इतकी आहे. राज्यातील एकूण अँक्टिव्ह रुग्णांची संख्या पाहता राज्यात आजच्या तारखेला एकूण १ लाख ४४ हजार ११ अँक्टिव्ह कोरोना रुग्ण आहेत. मुंबईत सध्या ७ हजार १३५ अँक्टिव्ह रुग्ण आहेत. तर ठाण्यात ९ हजार ७६०, पालघरमध्ये ८२७ अँक्टिव्ह रुग्ण आहेत. राज्यातील एकूण अँक्टिव्ह रुग्णांचा सविस्तर तपशील पहा

हेही वाचा – India Corona Update : देशभरात कोरोनाबाधितांच्या रुग्णसंख्येत 13 टक्क्यांनी घट ; मृत्यू दरात वाढ