हिंदू पंचांगानुसार प्रत्येक महिन्याच्या कृष्ण पक्षातील चतुर्थी तिथीला संकष्टी चतुर्थीचे व्रत केले जाते. हिंदू मान्यतेनुसार, संकष्टी चतुर्थीच्या दिवशी व्रत आणि पूजा केल्याने गणपती बाप्पा सर्व मनोकामना पूर्ण करतात. या महिन्यात 12 नोव्हेंबर रोजी म्हणजेच आज संकष्टी चतुर्थी आहे. या दिवशी केलेली पूजा-आराधना उत्तम मानली जाते.
ज्योतिष शास्त्रामध्ये देवी-देवतांची कृपा प्राप्त करण्यासाठी काही खास उपाय सांगण्यात आले आहेत. या उपायांमुळे गणपती बाप्पा तुमच्यावर लवकर प्रसन्न होतील.
संकष्टी चतुर्थी शुभ मुहूर्त
संकष्टी चतुर्थी प्रारंभ : 11 नोव्हेंबर रात्री 8.17 पासून ते
संकष्टी चतुर्थी समाप्ती : 12 नोव्हेंबर रात्री 10.25 पर्यंत असणार आहे.
चंद्रोदय 8 वाजून 21 मिनिट
चंद्रोदयानंतर करा पारण
हिंदू मान्यतेनुसार, संकष्टी चतुर्थीचा उपवास चंद्रोदयानंतर सोडला जातो. संकष्टी चतुर्थीला चंद्रदर्शन झाल्यानंतर बाप्पाची पूजा केली जाते.
संकष्टी चतुर्थीला करा हे उपाय
- आयुष्यामध्ये येणाऱ्या सर्व संकटांपासून मुक्ती मिळवण्यासाठी गणेश चतुर्थीच्या दिवशी बाप्पाला शेंदूर अर्पण करा. सोबतच दूर्वा देखील अर्पण करा.
- आर्थिक लाभासाठी श्री गणेशाला नियमीत पूजा केल्याने दूर्वा अर्पण करा. सोबतच इदं दुर्वादलं ॐ गं गणपतये नमः या मंत्राचा जप करा.
- संकष्टी चतुर्थीच्या दिवशी श्री गणेश अथर्वशीर्षष्याचे पठण करा. यामुळे बाप्पा खूश होतात.
- कर्जापासून मुक्ती मिळावी यासाठी बाप्पाला गूळ आणि तूप अर्पण करा. यामुळे नक्कीच कर्ज कमी होण्यास मदत होईल.
- बाप्पाला संकष्टी चतुर्थीच्या दिवशी 21 दुर्वा आणि जास्वंदीचे फुल अर्पण करा.
हेही वाचा :
