टाटा समूहाला उंचावर नेणारे आणि टाटा सन्सचे माजी संचालक आर. के. कृष्णकुमार यांचे रविवारी हृदयविकाराच्या झटक्याने मुंबईत निधन झाले. वयाच्या ८४ व्या वर्षी त्यांनी अखेरचा श्वास घेतला. कृष्णकुमार हे रतन टाटा यांच्या विश्वासू सहाय्यकांपैकी एक मानले जात होते. टाटा सन्सचे चेअरमन एमेरिटस रतन टाटा यांचे जवळचे सहकारी असलेले कृष्णकुमार हे टाटाच्या कन्सल्टन्सी फर्म, आरएनटी असोसिएट्स आणि समूहाच्या चॅरिटेबल ट्रस्टमध्ये गुंतलेले होते. ज्यामध्ये टाटा समूहाची होल्डिंग कंपनी असलेल्या टाटा सन्समध्ये 66 टक्के हिस्सा आहे. (RK Krishnakumar Ratan Tata Trusted Aide And Former Tata Sons Director Passes Away)
माजी संचालक आर. के. कृष्णकुमार यांच्या निधनानंतर रतन टाटा यांनी शोक व्यक्त केला आहे. “माझे मित्र आणि सहकारी आर.के. कृष्णकुमार यांच्या निधनाने मला झालेली हानी शब्दात मांडता येणार नाही. आम्ही ग्रुपमध्ये आणि वैयक्तिकरित्या एकत्रित केलेला व्यवहार मला नेहमी लक्षात राहील. ते टाटा समूह आणि टाटा ट्रस्टचे खरे दिग्गज होते आणि सर्वांनाच त्यांची आठवण येईल”, अशा शब्दांत रतन टाटा यांनी शोक व्यक्त केला आहे.
Deeply saddened to hear the passing of Padma Shri R. K. Krishnakumar, former #TataSons director and @TataCompanies veteran. Born in Thalassery, he was vital to many pivotal moves by the group, including strengthening ties with Kerala. Heartfelt condolences to family and friends.
— Pinarayi Vijayan (@pinarayivijayan) January 1, 2023
“कृष्ण कुमार हे टाटा कुटुंबातील एक दिग्गज आणि समर्पित सदस्य होते. ज्यांनी त्यांच्या हयातीत टाटा समूहासाठी मोठे योगदान दिले. मला त्यांना समजून घेण्याचा विशेषाधिकार मिळाला. त्यांनी काय वेगळे केले, ते नेहमी कमी विशेषाधिकार असलेल्यांना मदत करत होते. तसेच, त्यांच्या जीवनावर सकारात्मक प्रभाव पाडण्याचा प्रयत्न करत होते. आम्ही त्यांच्या दिवंगत आत्म्यासाठी प्रार्थना करतो आणि सदैव ते आमच्या स्मरणात राहतील”, असे टाटा सन्सचे चेअरमन एन चंद्रशेखरन म्हणाले.
हेही वाचा – मेक्सिकोमध्ये थरार! कारागृहावरील अज्ञातांच्या गोळीबारात 14 जणांचा मृत्यू, 24 कैदी फरार