Corona Live Update: गेल्या २४ तासांत मुंबईत १,२६९ कोरोनाचे नवे रुग्ण

मुंबईमध्ये कालच्या दिवशी मृतांच्या संख्येत घट झाल्यानंतर आज पुन्हा मृतांचा आकडा शंभरी पार गेला आहे. गेल्या २४ तासात मुंबईमध्ये १ हजार २६९ नवे कोरोना रुग्ण आढळले असून ११४ जणांचा त्यामुळे मृत्यू झाला आहे. सध्या मुंबईत कोरोनाबाधितांची संख्या ६४ हजार ०६८ इतकी झाली आहे.

114 deaths and 1269 new COVID19 positive cases reported in Mumbai today, taking the total number of positive cases to 64,068: Municipal Corporation Greater Mumbai pic.twitter.com/RjXmefP9MS

— ANI (@ANI) June 19, 2020

---

गेल्या काही दिवसांपासून राज्यात कोरोनामुळे होणाऱ्या मृतांचा आकडा वाढू लागला असून आज दिवसभरात तब्बल १४२ रुग्णांचा मृत्यू झाला आहे. त्यामुळे कोरोनामुळे राज्यात मृत्यू झालेल्या रुग्णांचा एकूण आकडा आता ५ हजार ८९३ इतका झाला आहे. यासोबतच रुग्णांचा आकडा देखील वाढत असून आज दिवसभरात ३ हजार ८२७ नवे कोरोना रुग्ण सापडले आहेत. त्यामुळे राज्यातल्या एकूण कोरोनाग्रस्त रुग्णांचा आकडा १ लाख २४ हजार ३३१ इतका झाला असून त्यापैकी ५५ हजार ६५१ रुग्ण अॅक्टिव्ह आहेत. तर ६२ हजार ७७३ रुग्ण बरे होऊन घरी परतले आहेत. आज दिवसभरात १९३५ रुग्ण बरे होऊन घरी परतले आहेत.

---

भिवंडी तालुक्याच्या ग्रामीण भागात आतापर्यंत कोरोना विषाणू पॉझिटिव्ह असलेले ३३१ रुग्ण आढळले असून ७ जणांचा मृत्यू झाल्याची नोंद आहे. मात्र, गेल्या महिनाभरात १ हजार ८१० तापाचे रुग्ण आढळल्याने तालुक्याच्या ग्रामीण भागात भीतीचे वातावर पसरले आहे. गेल्या काही दिवसांपासून भिवंडी तालुक्यात टॉयफइड, मलेरिया आणि कोरोना विषाणूने उच्छाद मांडला आहे. शासकीय रुग्णालये हे कोरोना सेंटर करण्यात आले आहेत. तर खाजगी रूग्णालये ही बंद असल्याने या तापाच्या रुग्णांना प्राथमिक आरोग्य केंद्रात उपचार घ्यावे लागत आहेत. यातील कित्येक रुग्ण तापाने फणफणले आहेत, असे असताना भिवंडी पंचायत समितीचे मुख्य तालुका वैद्यकीय अधिकारी डॉ. नितीन बरल हे मनमर्जीने कामावर येत असल्याने तालुक्यातील आठ आरोग्य केंद्रावर कोणाचेच नियंत्रण राहिलेले नसल्यामुळे ग्रामीण भागातील सार्वजनिक आरोग्यच धोक्यात आले आहे.

---

पिंपरी-चिंचवडमध्ये सलग तिसऱ्या दिवशी पोलिसांना करोनाची लागण झाली आहे. तर काल गुरुवारी एक तर आज दोघांचे रिपोर्ट पॉझिटिव्ह आले आहेत.

---

लॉकडाऊनच्या काळात व्यापाऱ्यांचे कर्जावरील व्याज माफ करावे; व्यापाऱ्यांची शरद पवारांकडे निवेदनाद्वारे मागणी केली आहे.

---

अहमदनगर जिल्ह्यातील आणखी १३ रुग्णांची कोरोनावर मात. हॉस्पिटलमधून आज रुग्णांना घरी सोडण्यात आले,

---

दिल्लीत कोरोनाबाधित रुग्णाचा उपचाराच्या दरात लक्षणीय घट झाली आहे. गृह मंत्रालयाने डॉक्टर व्हीके पॉल समितीच्या शिफारशी लागू केल्या आहेत. त्यानुसार आता खासगी रुग्णालयात दररोज ८ ते १० रुपयांमध्ये आयसोलेशन बेड उपलब्ध असतील. शिवाय आयसीयू बिना व्हेंटिलेटर दररोज १३ ते १५ हजार रुपयात उपलब्ध असतील. तसेच आयसीयूचे व्हेंटिलेट दिवसाला २४ ते २५ हजार रुपयात उपलब्ध असतील. तसेच पीपीई कीटचे दर देखील कमी केले आहेत.

To provide relief to the common man in Delhi, HM Amit Shah constituted a committee under Member of NITI Aayog to fix rates charged by Pvt hospitals in Delhi for isolation beds, ICUs without ventilator support & ICUs with ventilator support: Ministry of Home Affairs (MHA) https://t.co/FGtGvgsf0y

— ANI (@ANI) June 19, 2020

---

गेल्या २४ तासांत देशात सर्वाधिक १३ हजार ५८६ नवे रुग्ण आढळले असून ३३६ जणांचा मृत्यू झाला आहे. त्यामुळे देशातील एकूण कोरोनाबाधितांचा आकडा ३ लाख ८० हजार ५३२ वर पोहोचला असून मृतांचा आकडा १२ हजार ५७३ झाला आहे. तसेच सध्या १ लाख ६३ हजार २४८ रुग्णांवर उपचार सुरू असून २ लाख ४ हजार ७११ रुग्ण कोरोनामुक्त झाले आहेत. सविस्तर वाचा 

 

India reports the highest single-day spike of 13,586 new #COVID19 cases and 336 deaths in last 24 hours. Total number of positive cases now stands at 3,80,532 including 1,63,248 active cases, 2,04,711 cured/discharged/migrated & 12,573 deaths: Ministry of Health & Family Welfare pic.twitter.com/JuwHD8X6OE

— ANI (@ANI) June 19, 2020

---

राम कदम यांची घाटकोपर येथील दहीहंडी नेहमी चर्चेचा विषय असतो. मात्र यावर्षी कोरोना व्हायरसच्या पार्श्वभूमीवर त्यांनी दहीहंडी रद्द केली आहे. सविस्तर बातमी

---

आज औरंगाबादमध्ये ९१ कोरोनाबाधित रुग्णांची वाढ झाली आहे. त्यामुळे औरंगाबाद जिल्ह्यात कोरोनाबाधितांची संख्या ३ हजार २०७वर पोहोचली आहे. तर १७० जणांचा कोरोनामुळे मृत्यू झाला आहे. आतापर्यंत १ हजार ७५३ कोरोनाचे रुग्ण बरे होऊन घरी गेले आहेत. तसेच सध्या जिल्ह्यात १ हजार २८४ रुग्णावर उपचार सुरू आहेत. सविस्तर वाचा