भारताने आज गुरुवारी 20 जानेवारीला ओडिशाच्या किनार्यावर सुपरसॉनिक क्रूझ क्षेपणास्त्र ब्राह्मोसच्या नवीन आवृत्तीची यशस्वी चाचणी केली, ज्यामुळे भारताच्या लष्करी सामर्थ्याचे बळ आणखी वाढणार आहे. संरक्षण संशोधन आणि विकास संघटना (DRDO) नुसार, उत्तम नियंत्रण प्रणालीसह इतर नवीन तंत्रज्ञानाने सुसज्ज असलेल्या या क्षेपणास्त्राचे गुरुवारी सकाळी 10.45 वाजता चांदीपूर येथील एकात्मिक चाचणी श्रेणीच्या लॉन्च पॅड-3 वरून प्रक्षेपण करण्यात आले. चीनच्या सीमेवर सुरू असलेल्या संघर्षाच्या पार्श्वभूमीवर आजच्या क्षेपणास्त्र चाचणीला खूप महत्व आहे. ब्रह्मोस क्षेपणास्त्र ही भारतीय नौदलाची प्रमुख शस्त्र प्रणाली आहे.
Today India successfully testfired a new version of the BrahMos supersonic cruise missile off the coast of Odisha in Balasore. The missile was equipped with new technological developments which were successfully proven: Defence sources pic.twitter.com/l9hcQn7BKw
— ANI (@ANI) January 20, 2022
क्षेपणास्त्राने लक्ष्यावर अचूक मारा केल्याची माहिती डीआरडीओने केली आहे. 290 किलोमीटरच्या मूळ श्रेणीच्या तुलनेत या क्षेपणास्त्राची मारक क्षमता 350 ते 400 किलोमीटर इतकी जास्त असल्याचे मानले जाते. भारत-रशियन संयुक्त उपक्रम ब्रह्मोस एरोस्पेस सुपरसॉनिक क्रूझ क्षेपणास्त्रे तयार करते जी पाणबुडी, जहाजे, विमाने किंवा जमिनीवर आधारित प्लॅटफॉर्मवरून सोडली जाऊ शकतात. ब्रह्मोस क्षेपणास्त्रे मॅक 2.8 किंवा ध्वनीच्या जवळपास तिप्पट वेगाने प्रक्षेपित होऊ शकतात.
आयएनएस विशाखापट्टणमवरून ब्रह्मोस सुपरसॉनिक क्रूझ क्षेपणास्त्राच्या समुद्रातून समुद्रात मारा करणाऱ्या आवृत्तीची 11 जानेवारी रोजी चाचणी घेण्यात आली होती. संरक्षण मंत्री राजनाथ सिंह यांनी या कामगिरीबद्दल त्यांनी ट्विट करून भारतीय नौदल आणि डीआरडीओचे अभिनंदन केले.
The robustness of @indiannavy mission readiness is reconfirmed today after successful launch of the advanced version of BrahMos Missile from INS Vishakhapatnam today. I congratulate the wonderful team work of @indiannavy @DRDO_India & @BrahMosMissile. https://t.co/MeddXACp1q
— Rajnath Singh (@rajnathsingh) January 11, 2022