नवी दिल्ली : देशात पुन्हा एकदा कोरोना संसर्गाने थैमान घातले आहे. भारतीय SARS-CoV-2 जीनोमिक्स कन्सोर्टियमच्या डेटानुसार, कोविड प्रकार XBB.1.16 ची 349 प्रकरणाची नोंद झाली आहे. 9 राज्ये आणि केंद्रशासित प्रदेशांमधून सर्व 349 प्रकरणे नोंदवली गेली आहेत. महाराष्ट्रात सर्वाधिक रुग्ण आढळले असून राज्यात 105 रुग्ण सापडले आहेत. त्याचवेळी तेलंगणामध्ये 93, कर्नाटकमध्ये 61 आणि गुजरातमध्ये 54 प्रकरणे नोंदवली गेली आहेत.
कोरोना प्रकार XBB 1.16 चा पहिला रुग्ण जानेवारीमध्ये समोर आला होता. फेब्रुवारी महिन्यात या प्रकाराचे 140 नमुने आणि मार्चमध्ये हा आकडा 207 होता. देशात आतापर्यंत सात हजारांहून अधिक सक्रिय रुग्ण आहेत. गुरुवारी (२३ मार्च) देशात कोरोनाचे 1300 नवीन रुग्ण आढळले आहेत. गेल्या 140 दिवसांतील ही सर्वाधिक प्रकरणे आहेत. देशात सध्या कोविडचे 7,605 सक्रिय रुग्ण आहेत. त्याच वेळी, कोविडमुळे मृतांची संख्या 5,30,816 वर पोहोचली आहे.
कोरोनाच्या प्रकाराला घाबरण्याची गरज नाही : रणदीप गुलेरिया
एम्सचे माजी संचालक डॉ. रणदीप गुलेरिया यांनी बुधवारी सांगितले की, नवीन XBB.1.16 प्रकाराबद्दल घाबरण्याची गरज नाही. कारण या संसर्गामुळे लोकांना फारसा त्रास होणार नाही. त्यांच्या मते हा कोरोना XBB चा नवीन प्रकार आहे. गेल्या दोन आठवड्यांत देशात इन्फ्लूएंझा आणि कोरोनाव्हायरसच्या प्रकरणांमध्ये वाढ झाल्यामुळे पंतप्रधान नरेंद्र मोदी यांनी बुधवारी एका उच्चस्तरीय बैठकीचे अध्यक्षस्थान केले होते.
#COVID19 pandemic | Around 1% of the global cases being reported in India as of now. Active cases stand at 7,600 right now. 966 cases being reported on a daily basis, on average. In the 2nd week of Feb, 108 daily cases were being reported on average, it has now increased to 966:… pic.twitter.com/J7ebKKNEtF
— ANI (@ANI) March 23, 2023
कोविडबद्दल जागरूक राहण्याची गरज
पंतप्रधान कार्यालयाने अधोरेखित केले की, कोविड-19 साथीचा रोग अद्याप संपलेला नसून देशभरातील परिस्थितीवर नियमितपणे लक्ष ठेवले जात आहे. चाचणी, ट्रॅक, उपचार, लसीकरण आणि कोविड योग्य वर्तनाच्या 5 पट धोरणावर लक्ष केंद्रित करणे, सर्व गंभीर श्वसन आजार (SARI) प्रकरणांची प्रयोगशाळेतील देखरेख आणि चाचणी वाढविण्याचा सल्ला पंतप्रधानांनी दिला आहे. ते म्हणाले की, आमची रुग्णालये सर्व गरजांसाठी तयार आहेत याची खात्री करण्यासाठी नियमितपणे मॉक ड्रिल आयोजित केल्या पाहिजेत.
भारतात 1 टक्के रुग्ण
कोरोनाशी संबंधित माहिती देताना केंद्रीय आरोग्य सचिव राजेश भूषण म्हणाले की, ‘आतापर्यंत एकूण जागतिक प्रकरणांपैकी सुमारे 1 टक्के रुग्णांची नोंद भारतात झाली आहे. सक्रिय रुग्ण आता 7,600 आहेत.
