पंतप्रधान नरेंद्र मोदी यांच्या मंत्रिमंडळाचा विस्तार आज होत आहे. मंत्रिमंडळाचा विस्तार होत असताना दुसरीकडे केंद्रीय मंत्री राजीनामे देत आहेत. त्यामुळे राजकीय वर्तुळात खळबळ उडाली. यात केंद्रीय आरोग्य मंत्री हर्ष वर्धन, केंद्रीय शिक्षण मंत्री रमेश पोखरियाल निशंक, कामगार मंत्री संतोष गंगवार यांच्यासह अनेकांना डच्चू देण्यात आला. दरम्यान, आता आणखी दोन मंत्र्यांनी राजीनामा दिला आहे.
केंद्रीय पर्यावरण मंत्री प्रकाश जावडेकर आणि माहिती व तंत्रज्ञान मंत्री रविशंकर प्रसाद यांनी मंत्रीपदाचा राजीनामा दिला आहे. यामुळे आता पर्यंत १२ मंत्र्यांनी राजीनामे दिले आहेत. त्यामुळे मंत्रिमंडळ विस्तारात स्थान देण्यात आलेल्या मंत्र्यांच्या नावांपेक्षा राजीनामा देण्यात आलेल्या मंत्र्यांच्या नावांची चर्चा होत आहे. केंद्रीय सामाजिक न्यायमंत्री थावर चंद गेहलोत यांची मंत्रिमंडळातून गच्छंती करण्यात आली होती. त्यानंतर आज केंद्रीय शिक्षणमंत्री रमेश पोखरियाल निशंक, केंद्रीय कामगारमंत्री संतोष गंगवार, सदानंद गौडा, केंद्रीय आरोग्य मंत्री हर्ष वर्धन यांनीही राजीनामे दिले.
The President of India accepts resignation of 12 members of the Council of Ministers including IT Minister Ravi Shankar Prasad, Environment Minister Prakash Javadekar, Health Minister Harsh Vardhan, Education Minister Ramesh Pokhriyal ‘Nishank and others: Rashtrapati Bhavan pic.twitter.com/mNbP2V3lhn
— ANI (@ANI) July 7, 2021
मंत्रिमंडळ विस्तारापूर्वी या मंत्र्यांची गच्छंती
१) सदानंद गौडा
२) रवि शंकर प्रसाद
३) थावर चंद गेहलोत
४) रमेश पोखरियाल निशंक
५) हर्ष वर्धन
६) प्रकाश जावडेकर
७) संतोष गंगवार
८) बाबूल सुप्रियो
९) संजय धोत्रे
१०) रत्तन लाल कटारिया
११) प्रताप चंद्र सारंगी
१२) सुश्री देबश्री चौधरी
हेही वाचा – Modi Cabinet Expansion: मंत्रिमंडळ विस्ताराची नावं जाहीर, राणेंना मंत्रीपद, अधिकृत यादी एका क्लिकवर
