केरळच्या प्रसिध्द शबरीमाला मंदिरामध्ये दोन महिलांनी प्रवेश केल्यामुळे केरळमध्ये सध्या तणावाचे वातावरण आहे. अशाच गुरुवारी रात्री साडेनऊ वाजता एका श्रीलंकन महिलेने अयप्पाचे दर्शन घेतले. शशिकला असे या महिलेचे नाव असून तिचे वय ४६ वर्ष असल्याचे सांगितले आहे. शशिकला नवऱ्यासोबत शबरीमाला मंदिरात दर्शनासाठी आल्या होत्या. त्यांनी शबरीमाला मंदिराच्या पवित्र १८ पायऱ्या चढल्याचे समोर आले. पोलिसांनी दिलेल्या माहितीनुसार, शशिकला शबरीमाला मंदिर बंद होण्याआधी दर्शनसाठी आल्या होत्या. त्या १८ पायऱ्यांवरुन मंदिरामध्ये दाखल झाल्या ज्याला पथिनेत्तामपडी असे देखील म्हटले जाते.
46-year-old Srilankan woman who came to #SabarimalaTemple: I went up to the holy steps, but I was not allowed to go further. I had a medical certificate also.
— ANI (@ANI) January 4, 2019
१८ पवित्र पायऱ्या चढल्या
शशिकला यांनी सांगितले की, मी मंदिराच्या पवित्र १८ पायऱ्या चढले मात्र मला पुढे जाण्यास विरोध करण्यात आला. माझी मासिक पाळी बंद झाल्याचे माझ्याजवळ मेडिकल सर्टिफिकेट होते. ते मी पोलिसांना दाखवले. पोलिसांनी मला पोलीस बंदोबस्तात मंदिरात जाण्याची परवानगी दिली. माझ्यासोबत महिला पोलीस कॉन्स्टेबल होत्या. मात्र मंदिराच्या पवित्र १८ पायऱ्या चढल्यानंतर मला अडवण्यात आले. शशिकला यांच्याकडे श्रीलंकेचा पासपोर्ट होता त्यानुसार त्यांचा जन्म १९७२ साली झाला होता.
#Kerala: Three BJP workers injured at Vadanappally in Thrissur district during clashes with Social Democratic Party of India (SDPI) workers. pic.twitter.com/s5tvnX7uyG
— ANI (@ANI) January 3, 2019
७४५ जणांना अटक
याआधी २ जानेवारीला ४२ वर्षाच्या बिंदू आणि ४४ वर्षाच्या कनकदुर्गा यांनी शबरीमाला मंदिरात प्रेवश करत अयप्पाचे दर्शन घेतले. त्यांनी पवित्र पायऱ्या न चढता दुसऱ्या मार्गाने मंदिरात प्रवेश करत दर्शन घेतले. ज्याच्याविरोधात सध्या केरळ राज्यातील वातावरण तापले आहे. या महिलांनी प्रेवेश केल्यामुळे आंदोलन केली जात आहेत. या आंदोलना दरम्यान एकाचा मृत्यू झाला तर ३८ पोलिसांसह १०० पेक्षा अधिक जण जखमी झाले आहेत. या हिंसाचार प्रकरणी ७४५ जणांना अटक करण्यात आली आहे. हिंदुत्ववादी संघटनांनी पुकारलेल्या बंद दरम्यान पोलीस आणि कार्यकर्त्यांमध्ये वाद झाला होता.
Kerala CM Pinarayi Vijayan in Trivandrum on #SabarimalaTemple women entry issue: 7 police vehicles, 79 KSRTC buses destroyed & 39 police personnel attacked, till now. Most of the persons attacked were women. Women media persons were also attacked. pic.twitter.com/neg2ajLfiG
— ANI (@ANI) January 3, 2019
राज्यपालांनी मागवला रिपोर्ट
बंद दरम्यान, जबरदस्ती दुकान बंद करायला लावणाऱ्या भाजपच्या ४ कार्यकर्त्यांना अज्ञात व्यक्तींनी भोकसले यामध्ये ते जखमी झाले आहेत. या आंदोलना दरम्यान गाड्यांची तोडफोड करण्यात आली. केरळचे मुख्यमंत्री पी विजयन यांनी दिलेल्या माहितीनुसार, पोलिसांच्या ७ गाड्यांची तोडफोड करण्यात आली आहे. तर केएसआरटीसीच्या ७९ बसची तोडफोड करण्यात आली. ३९ पोलिसांवर हल्ला करण्यात आला यामध्ये जखमी झालेल्या पोलिसांवर उपचार सुरु आहेत. हिंसाचार पाहता राज्यपाल पी सदाशिवम यांनी मुख्यमंत्री पिनाराई विजयन यांना कायदे व्यवस्थेवर रिपोर्ट मागवला आहे.
Kerala: Youth Congress members protesting outside IG office over two women entering #SabarimalaTemple, detained by police in Kochi. pic.twitter.com/Csuoojl0uz
— ANI (@ANI) January 3, 2019
हेही वाचा –