ब्रिटनमधील राजकीय आणि आर्थिक गोंधळाच्या पार्श्वभूमीवर गृहमंत्री सुएला ब्रेव्हरमॅन यांच्यावर राजीनामा देण्याची वेळ आली आहे. सरकारी नियमांचे उल्लंघन केल्याने त्यांच्यावर राजीनाम्याची वेळ आली आहे. गेल्या आठवड्याभरात पंतप्रधान लिझ ट्रस यांच्या मंत्रिमंडळातून आणखी एका मंत्र्याने राजीनामा दिला आहे. याआधी लिझ ट्रस यांनी अर्थमंत्री क्वासी क्वार्टेंग यांची मंत्रिमंडळातून हकालपट्टी केली. 42 वर्षीय सुएला ब्रेव्हरमॅन यांनीही आपल्या राजीनाम्याचे पत्र ट्विट केले आहे.
ब्रेव्हरमन यांनी निवेदनात म्हटले की, मला अत्यंत खेदाने सांगावे लागतेय की, मी राजीनामा देण्याचा निर्णय घेतला आहे. मी माझ्या पर्सनल ईमेलवरून एक सरकारी कागदपत्र अधिकृतपणे प्रसिद्ध होण्यापूर्वी एका विश्वासू खासदारास पाठवले होते. जे आता नियमांचे उल्लंघन करणारे असल्याचे सांगितले जातेय. परंतु स्थलांतराबाबत सरकारच्या धोरणाला पाठिंबा मिळविणे हा त्यामागचा उद्देश आहे. हा दस्ताऐवज माझ्या विधानाचा केवळ मसुदा होता हे तुम्हाला माहिती आहे. यातील बहुतांश माहिती खासदारांना आधीच देण्यात आली होती. पण तरीही माझा राजीनामा योग्यच ठरेल.
ब्रेव्हरमनने यांनी आपल्या निवेदनात पुढे म्हटले की, मला माझ्या चुकांची जाणीव झाल्यानंतर मी कॅबिनेट सचिवांना याबाबत माहिती दिली आहे. गृहमंत्री पद हे जबाबदारीचे पद असल्याने मी राजीनाम्याचा निर्णय घेतला आहे. आपल्या चुकांची जबाबदारी स्वीकारणाऱ्यांवर सरकारचे काम अवलंबून असते. आम्ही चुका केल्या नाहीत असे भासवत, आणि आम्ही चुका केल्या असे कोणीच पाहिले असे वाटून पुढे जाणे. आणि काही गोष्टी ठीक होतील अशी आशा करणे म्हणजे गंभीर राजकारण नाही का? माझ्याकडून चूक झाली, मी त्याची जबाबदारी स्वीकारते आणि राजीनामा देते.
ब्रेव्हरमन म्हणाले की, आम्ही आमच्या मतदारांना दिलेली महत्त्वाची आश्वासनेच मोडली नाहीत तर जाहीरनाम्यातील आश्वासने पूर्ण करण्याच्या या सरकारच्या वचनबद्धतेबद्दल मला गंभीर चिंता आहे, ज्यात स्थलांतरितांची संख्या कमी करणे आणि बेकायदेशीर स्थलांतर थांबवणे समाविष्ट आहे, या महिन्याच्या सुरुवातीला सुएला ब्रेव्हरमन म्हणाले होते की, भारतासोबतच्या व्यापार करारामुळे युनायटेड किंगडममध्ये स्थलांतरितांची संख्या वाढेल. भारत आणि ब्रिटन मुक्त व्यापार करारावर वाटाघाटी करत असतानाच त्यांची ही टिप्पणी आली.
My letter to the Prime Minister. pic.twitter.com/TaWO1PMOF2
— Suella Braverman MP (@SuellaBraverman) October 19, 2022
सुएला ब्रेव्हरमन या ब्रिटनच्या इतिहासातील सर्वात कमी कालावधीतील गृहमंत्री ठरल्या आहेत. सत्ताधारी कंझर्व्हेटिव्ह पक्षाच्या लिझ ट्रस सरकारमध्ये सुएला केवळ 43 दिवस देशाच्या गृहमंत्री होत्या. त्यांच्या आधी डोनाल्ड सोमरवेल यांनी कंझर्वेटिव्हच्या काळात विन्स्टन चर्चिल सरकारमध्ये 62 दिवस गृहमंत्रीपद भूषवले होते. याआधी अॅलन जॉन्सन हे लेबर पार्टीच्या सरकारच्या काळात जून 2009 ते 2010 पर्यंत 340 दिवस ब्रिटनचे गृहमंत्री होते. कंझर्व्हेटिव्ह पक्षाच्या सरकारमध्ये डेव्हिड वेडिंग्टन यांनी ऑक्टोबर 1989 ते नोव्हेंबर 1990 पर्यंत 398 दिवस गृहमंत्री म्हणून काम केले. एप्रिल 1992 ते मे 1993 दरम्यान म्हणजे 412 दिवस कंझर्व्हेटिव्ह्जचे केनेथ क्लार्क हे गृहमंत्रीही होते.
भारतीय वंशाच्या ब्रिटनच्या गृहमंत्री सुएला ब्रेव्हरमन यांनी मुक्त व्यापार कराराला विरोध करताना म्हटले आहे की, यामुळे ब्रिटनमध्ये भारतीय स्थलांतरितांचा ओघ वाढेल. अनेक भारतीय प्रवासी व्हिसाची मुदत संपल्यानंतरही यूकेमध्येच राहतात. ब्रिटीश लोकांनी ब्रेक्झिटमधून माघार घेण्यास मत दिले नाही कारण ब्रिटीश सीमा अशाप्रकारे भारतीयांसाठी खुली केली पाहिजे. मला ब्रिटीश साम्राज्याचा अभिमान आहे आणि ते त्याचे अपत्य आहेत.
या कराराच्या मदतीने ब्रिटनच्या पंतप्रधान लिसे ट्रस यांना ब्रिटनच्या अर्थव्यवस्थेला संजीवनी द्यायची आहे, तर भारत या करारातून शिकण्यासाठी जाणाऱ्या आपल्या कामगार आणि विद्यार्थ्यांसाठी व्हिसात सवलत देण्याची मागणी करत आहे. या कराराच्या मदतीने दोन्ही देशांमधील द्विपक्षीय व्यापार 2030 पर्यंत दुप्पट होण्याची अपेक्षा आहे.
