बॉलिवूड अभिनेता सलमान खानने आपल्या दबंग ३ चे शुटिंग सुरू केले आहे. नुकतेच त्याच्या शुटिंगचे काही फोटो सोशल मीडियावर पहायला मिळत आहे. यानंतर आता चित्रपटात मुख्य भूमिकेत असणारी अभिनेत्री सोनाक्षी सिन्हा देखील आपला चित्रपटातील फर्स्ट लूक आपल्या चाहत्यांसोबत शेअर केला आहे. सोनाक्षीने आपला हा लूक शेअर करताना असे लिहीले की, ‘रज्जो पुन्हा येणार आहे. दबंगपासून दबंग ३ पर्यंत.. माझ्या शुटिंगचा पहिला दिवस आहे. मला शुभेच्छा द्या..’ सोनाक्षीच्या लूकमध्ये फारसा बदल झालेला दिसत नाही. मागील दोन चित्रपटात ती जशी दिसत होती तशीच दिसणार आहे. सोनाक्षी तिच्या मागील दोन चित्रपटांप्रमाणे या फोटोमध्ये अधिक सुंदर दिसत आहे.
या सोनाक्षीच्या फर्स्ट लूकमध्ये ती साईड पोज देताना दिसत आहे. यामध्ये ती गुलाबी रंगाचे ब्लाऊज आणि पांढऱ्या रंगाची साडी नेसली आहे. केसामध्ये साडीला साजसं गुलाबी रंगाचे फुल माळले आहे. मागील दोन दबंगच्या सिरीजमध्ये सोनाक्षी तशीच दिसली आहे. सोनाक्षीने या चित्रपटात रज्जो नावाच्या मुलीची भूमिका साकारली होती. २०१० मध्ये सोनाक्षीने दंबगमधूनच बॉलिवूड विश्वात एन्ट्री केली होती.
Namaste, Salaam Alaikum, Hello and a big thank you to all my fans & the police of #madhyapradesh #maheshwar #dabangg3 @PDdancing @arbaazSkhan @Nikhil_Dwivedi pic.twitter.com/ubN1X33jI8
— Salman Khan (@BeingSalmanKhan) April 3, 2019
सोनाक्षीने आपल्या चाहत्यासोबत तिचा फर्स्ट लूक शेअर करताना इंन्टाग्रामवर चित्रपटाच्या शुटिंगचा व्हिडिओ देखील शेअर केला आहे. या सोबतच दबंग २ आणि दबंग ३ च्या लूक मधील साम्य दर्शवणारे फोटोही शेअर केले आहे.
चित्रपटाची पुर्ण टीम शुटिंगसाठी मध्य प्रदेशच्या महेश्वरीमध्ये आहे. सलमान खानने नर्मदा घाटावरील आपले फोटो, व्हिडिओ आपल्या चाहत्या शेअर केले आहे.