गालावर खळी, राधा ही बावरी अशी उत्तमोत्तम गाणी गायलेल्या गायक स्वप्नील बांदोडकरनं पुन्हा एकदा प्रेक्षकांसाठी एक नवं गाणं आणलं आहे. आता सांग प्रिये या नव्या म्युझिक अल्बम रिलीज झाला असून सप्तसूर म्युझिकच्या युट्यूब चॅनेलवर प्रेक्षकांना या गाण्याचा आस्वाद घेता येईल. कोमल खिलारे आणि सोहम चांदवडकर ही नवी जोडी गाण्यातून झळकत आहे. कोमल ही डाॅक्टर तर सोहम हा पायलट असून दोघेही प्रसिद्ध माॅडेल आहेत.
साईनाथ राजाध्यक्ष, बीना राजाध्यक्ष आणि सप्तसूर म्युझिकने या म्युझिक अल्बमची निर्मिती केली आहे. लीना कुलकर्णी यांनी गीतलेखन केलं आहे. अमेय मुळे यांनी गाणं संगीतबद्ध केलं आहे. आजवर स्वप्नील बांदोडकरनं अनेक हिट गाणी गायलेली आहेत. प्रेमगीत ही स्वप्नीलची खासियत आहे. त्यामुळे स्वप्नील तरुण-तरुणींचा लाडका गायक आहे.
सांग प्रिये हे प्रेमगीत देखील स्वप्नीलनं अतिशय उत्तमरीत्या गायलं आहे. त्याशिवाय फ्रेश जोडी, उत्तम शब्द आणि संगीत, सुखद दृश्य यांचा मिलाफ या म्युझिक व्हिडिओमध्ये झाला आहे. त्यामुळे स्वप्नील जोशीच्या आवाजातील या म्युझिक व्हिडिओला प्रेक्षकांची दाद मिळेल यात शंका नाही.
हेही वाचा – Photo : दीपिकाच्या लेटेस्ट फोटोशूटची इंटरनेटवर चर्चा ! पाहा अभिनेत्रीचे हॉट फोटो
