मराठी वर्षातील सर्वाधिक व्रत-वैकल्य, उपास आणि अतिशय शुभ मानला जाणारा महिना म्हणजे श्रावण. श्रावण महिन्याला येत्या ९ ऑगस्टपासून सुरुवात होत आहे. या श्रावण महिन्यासह इतरही महत्त्वाचे सण-उत्सव आहेत. ज्यामुळे ऑगस्ट महिना बहरला आहे. यंदाच्या ऑगस्ट महिन्यात कोणकोणते सण आले आहेत जाणून घ्या.
कमिका एकादशी
- Advertisement -
- आषाढ महिन्यातील वद्य पक्षात येणारी एकादशी कमिका एकादशी म्हणून ओळखली जाते.
- यादिवशी श्रीविष्णूंच्या आराधना, उपासनेसाठी उत्तम आणि शुभ दिवस म्हणून मानला जातो.
- बुधवारी, ४ ऑगस्ट रोजी कमिका एकादशी आली आहे.
दीप अमावास्या
- चातुर्मासातील पहिली अमावास्या म्हणून आषाढ अमावास्येकडे पाहिले जाते.
- कुटुंबाला सुख, शांती, समाधान लाभावे याकरता अमावास्या आणि पौर्णिमेला रात्री दीपपूजन केले जाते.
- यंदा, रविवारी ८ ऑगस्ट रोजी दीप अमावास्या आहे.
श्रावण मास
- Advertisement -
- मराठी वर्षातील सर्वाधिक व्रत-वैकल्य आणि अतिशय शुभ मानला जाणारा महिना म्हणजे श्रावण.
- सोमवार, ९ ऑगस्टपासून श्रावणाला सुरुवात होत आहे.
- या महिन्यात शंकराची उपासना केली जाते.
नागपंचमी
- श्रावण महिन्यातील नागपंचमी हा सण मोठ्या उत्साहात साजरा केला जातो.
- यंदा शुक्रवार, १३ ऑगस्ट रोजी नागपंचमी साजरी केली जाणार आहे.
पुत्रदा एकादशी
- श्रावण महिन्याच्या शुद्ध पक्षात येणारी एकादशी पुत्रदा एकादशी म्हणून साजरी केली जाते.
- यंदा बुधवारी, १८ ऑगस्ट रोजी पुत्रदा एकादशी साजरी केली जाणार आहे.
रक्षाबंधन
- श्रावण पौर्णिमा नारळी पौर्णिमा म्हणून साजरी केली जाते.
- यंदा, रविवारी २२ ऑगस्ट रोजी नारळी पौर्णिमा साजरी केली जाणार आहे.
- यादिवशी समुद्राला श्रीफळ अर्पण करुन त्याच्याविषयी कृतज्ञता व्यक्त केली जाते.
- यादिवशी बहिण आपल्या लाडक्या भावाला राखी बांधते.
श्रीकृष्ण जयंती
- श्रावण महिन्यात वद्य अष्टमी या तिथीला मध्यरात्री मथुरेत कंसाच्या बंदिशाळेत श्रीकृष्णाचा जन्म झाला म्हणून हा दिवस श्रीकृष्ण जन्माष्टमी म्हणून साजरा केला जातो.
- यंदा, सोमवारी ३० ऑगस्ट रोजी श्रीकृष्ण जयंती साजरी केली जाणार आहे.
गोपाळकाला
- दहीहंडी फोडून गोपाळकाला साजरा केला जातो.
- यंदा मंगळवारी, ३१ ऑगस्ट रोजी गोपाळकाला साजरा केला जाणार आहे.
हेही वाचा – Friendship Day 2021: ‘या’मुळे साजरा केला जातो ‘फ्रेंडशिप डे’