मुंबईः गडचिरोली जिल्ह्यातील पूरपरिस्थितीचा आढावा घेण्यासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे आज गडचिरोली दौऱ्यावर आहेत. जिल्ह्यातील पूरपरिस्थितीचा आढावा घेण्यासाठी आज एक विशेष बैठक गडचिरोली जिल्हा नियोजन भवनात पार पडली.
यावेळी दरवर्षी पुरामुळे संपर्क तुटणाऱ्या गावांसाठी कायमस्वरूपी योजना राबवण्याचा निर्णय घेण्यात आला. तसेच शा गावाबाबतचा प्रस्ताव शासनाला सादर करण्याचे निर्देश जिल्हा प्रशासनाला देण्यात आले आहेत. तसेच गडचिरोली जिल्ह्यातील प्रलंबित मेडिकल कॉलेज तातडीने सुरू करण्याचा निर्णय देखील या बैठकीत घेण्यात आला आहे. त्यासाठी लागणारी पूर्तता तातडीने करण्याच्या सूचना मुख्यमंत्री शिंदे यांनी जिल्हा वैद्यकीय अधिकारी यांना केल्या आहेत.
#गडचिरोली मध्ये मुख्यमंत्री @mieknathshinde यांच्या अध्यक्षतेखाली जिल्हा आपत्ती निवारण व्यवस्थापन आढावा बैठक झाली. उपमुख्यमंत्री @Dev_Fadnavis, खासदार @AshokNeteMP, आमदार डॉ. देवराव होळी, कृष्णा गजबे उपस्थित होते.जिल्हाधिकारी संजय मीणा यांनी पर्जन्यमान, पूरस्थितीबाबत माहिती दिली. pic.twitter.com/9xdLwdcGWY
— MAHARASHTRA DGIPR (@MahaDGIPR) July 11, 2022
याच बैठकीत जिल्हाधिकारी संजय मीणा यांनी जिल्हयातील पर्जन्यमान, पूरस्थिती, स्थलांतरितांबाबतची माहिती सादर केली. गडचिरोली जिल्ह्यात आरमोरी तालुक्यातील वैनगंगा नदीच्या पुलावर काही काळ थांबून प्रत्यक्ष पूरपरिस्थितीची पाहणी केली. जिल्हाधिकारी संजय मीना व पोलीस अधीक्षक अंकित गोयल यांनी मुसळधार पावसामुळे जलपातळीत होणारी वाढ व त्या अनुषंगाने जिल्हा प्रशासनाने केलेल्या उपाययोजनांची माहिती दिली.
#गडचिरोली जिल्ह्यात अतिवृष्टीमुळे उद्भवलेल्या पूरपरिस्थितीची पाहणी करण्याकरिता उपमुख्यमंत्री मा.श्री.@Dev_Fadnavis यांच्या सह आज गडचिरोली जिल्ह्याचा दौरा करित आहे.#Gadchiroli #HeavyRain #GadchiroliFlood pic.twitter.com/Fa1WwZsjal
— Eknath Shinde – एकनाथ शिंदे (@mieknathshinde) July 11, 2022
या बैठकीला उपमुख्यमंत्री देवेंद्र फडणवीस, खासदार अशोक नेते, आमदार डॉ. देवराव होळी, आमदार कृष्णा गजबे, विभागीय आयुक्त माधवी खोडे-चवरे, पोलीस उप महानिरीक्षक संदीप पाटील, मुख्य वनसंरक्षक किशोर मानकर, पोलीस अधीक्षक अंकित गोयल उपस्थित आहेत. तसेच तालुकास्तरावरून ऑनलाईन स्वरूपात उपविभागीय अधिकारी, तहसिलदार व गटविकास अधिकारी सहभागी झाले होते.
हेही वाचाः राष्ट्रपती निवडणुकीतील पाठिंब्याच्या मुद्द्यावरून शिवसेनेत फूट, ठाकरेंकडे सर्वाधिकार
