कोरोनावर प्रतिबंध करण्यासाठी आयआयटी, एनआयटी, आयआयएससीच्या विद्यार्थ्यांनी स्वस्त पोर्टेबल व्हेंटिलेटर, रोबो, ड्रोन, चाचणी किट, मास्क, सॅनिटायझर्स, फेसशीट्स, हातमोजे यापासून ते आरोग्य कर्मचार्यांसाठी पीपीई किट तयार करुन भारत सरकारला दिले आहेत. जे अमेरिका, इटली, जर्मनी आणि चीन सारख्या श्रीमंत देशांना शक्य झाले नाही ते भारतीय विद्यार्थ्यांनी करून दाखवले आहे.
तसेच कोरोना रूग्णांची ओळख पटविण्यासाठी देशातील या विद्यार्थ्यांनी स्मार्ट अॅप बनवले आहेत. आयआयटी दिल्लीच्या विद्यार्थ्यांनी हे ऍप तयार केले आहे, ज्यामध्ये कोविड -१९ पीडित व्यक्तींच्या संपर्कात येणार्या रूग्णांची माहिती दिली जाईल. आयआयटी दिल्ली येथील डिझाईन विभागातील पीएचडी विद्यार्थी अर्शद नासार यांच्या म्हणण्यानुसार, ‘ब्लूटूथ’ चा वापर करून यापूर्वी कोरोना विषाणूची लागण झालेल्या लोकांना किंवा आसपासच्या लोकांना संपर्क साधला जाईल व त्यास सतर्क केले जाईल. तसेच या अॅपद्वारे संक्रमित व्यक्तीशी संपर्क करण्याचे तारीख व त्याचे क्षेत्रफळही कळू शकेल.