राज्यभरासह मुंबईतही कोरोनाचा कहर सुरू असून मुंबईत आज १ हजार ११५ नव्या कोरोना रुग्णांची नोंद करण्यात आल्याने कोरोनाबाधितांची संख्या १ लाख ०९ हजार ०९६ वर पोहचली आहे. तर ५७ जणांचा कोरोनामुळे मृत्यू झाल्याने मृतांचा आकडा ६ हजार ०९० वर पोहचला आहे. तर आज दिवसभरात मुंबईमध्ये १ हजार ३६१ रूग्णांनी कोरोनावर मात केली असून आतापर्यंत मुंबईत ८० हजार २३८ रूग्णांना रुग्णालयातून डिस्चार्ज देण्यात आला आहे.
1115 #COVID19 positive cases and 57 deaths reported in Mumbai today; 1361 patients recovered and discharged. The total positive cases rise to 1,09,096 including 80,238 patients recovered and discharged & 6090 deaths: Municipal Corporation Greater Mumbai pic.twitter.com/QYDXcYoIgY
— ANI (@ANI) July 26, 2020
मुंबईत आज दिवसभरात ५७ जणांचा मृत्यू झाला आहे. यामध्ये ३५ पुरुष तर २२ महिलांचा समावेश आहे. मृतांमधील ५ जणांचे वय ४० वर्षांखाली आहे. ३६ जण हे ६० वर्षांवरील, तर १८ जण हे ४० ते ६० वर्षादरम्यान होते.
मुंबईत कोरोनाचे ८६९ संशयित रुग्ण सापडल्याने मुंबईतील संशयित कोरोना रुग्णांची संख्या ७६ हजार ७३७ वर पोहोचली आहे. तसेच १ हजार ३६१ रुग्णांना घरी सोडण्यात आल्याने आतापर्यंत मुंबईतून तब्बल ८० हजार २३८ जणांना घरी सोडण्यात आले आहे, अशी माहिती पालिकेच्या आरोग्य नियंत्रण कक्षाकडून देण्यात आली आहे.
हेही वाचा – Coronavirus Update: आज राज्यात ९,४३१ कोरोना रुग्णांची नोंद; तर २६७ जणांचा मृत्यू