मुंबईमध्ये दिवसेंदिवस कोरोना रुग्णांमध्ये वाढ होत आहे. आज मुंबईत कोरोनाचे १ हजार ३९० नवे रुग्ण सापडल्याने कोरोनाबाधितांची संख्या ९६ हजार २५३ वर पोहचली आहे. त्याचप्रमाणे ६२ जणांचा कोरोनामुळे मृत्यू झाल्याने मृतांचा आकडा ५४६४ वर पोहचला आहे.
आज दिवसभरात मुंबईमध्ये १ हजार १९७ रूग्णांनी कोरोनावर मात केली असून आतापर्यंत मुंबईत ६७ हजार ८३० रूग्णांना रुग्णालयातून डिस्चार्ज देण्यात आला आहे. मुंबईमध्ये आज १ हजार ३९० नवे रुग्ण सापडले असून ६२ जणांचा मृत्यू झाला आहे. मृतांमध्ये ५१ जणांना दीर्घकाळ आजार होते. यामध्ये ४१ पुरुष तर २१ महिलांचा समावेश आहे. मृतांमधील ३ जणांचे वय ४० वर्षांखाली आहे. ३८ जण हे ६० वर्षांवरील, तर २१ जण हे ४० ते ६० वर्षादरम्यान होते. ६२ मृत्यू हे गत ४८ तासांमधील आहेत.
#CoronavirusUpdates
15-July, 6:00pm#NaToCorona pic.twitter.com/6rmalnVBjw— माझी Mumbai, आपली BMC (@mybmc) July 15, 2020
मुंबईत कोरोनाचे ९९६ संशयित रुग्ण सापडल्याने मुंबईतील संशयित कोरोना रुग्णांची संख्या ६७ हजार ४७८ वर पोहचली आहे, अशी माहिती पालिकेच्या साथरोग नियंत्रण कक्षाकडून देण्यात आली आहे.
२४ तासात १ हजार १९७ कोरोना रूग्ण बरे झाले असून आतापर्यंत बरे झालेल्या एकूण रुग्णांची संख्या ६७ हजार ८३० इतकी आहे. दिवसेंदिवस बरे होणाऱ्या रुग्णांचा दर हा ७०% आहे. तर सध्या कोरोनाचे एकूण सक्रिय रुग्णांचा आकडा २२ हजार ९५९ आहे.