भारताच्या उत्तरेकडील भागात आता चांगलाच गारठा वाढला आहे. नोव्हेंबरचे तीन आठवडे उलटून गेले, पर्वांतभागांत हिमवृष्टी झाल्यानंतर मैदानी भागातही थंडी वाढू लागली आहे. राजधानी दिल्लीत सकाळी आणि संध्याकाळी अधिक प्रमाणात थंडी वाढू लागली आहे. हवामान खात्याच्या माहितीनुसार येत्या चार दिवसांत हवामानात बदल होऊ शकतो. या दिवसात तापमान 3 अंशांपर्यंत पोहोचू शकते. त्यामुळे दिल्लीतील गारठा आता चांगलाच वाढणार आहे. तर आयएमडीनुसार, दिल्ली-एनसीआरचा पारा 10 अंशांच्या खाली येऊ शकतो.
या राज्यांमध्ये थंडीचा कडाका वाढला
हिमाचल प्रदेश आणि उत्तराखंडच्या अनेक भागात आज हिमवृष्टी अंदाज वर्तवण्यात आला आहे. येथील काही ठिकाणी पारा शून्याच्या खाली गेला आहे. त्यामुळे हुडहुडी भरली आहे. डोंगराळ भागात वाहणाऱ्या थंड वाऱ्यांमुळे पंजाब, हरियाणा, राजस्थान, मध्य प्रदेश, उत्तर प्रदेश, दिल्लीसह अनेक राज्यांमध्ये थंडी वाढली असून तापमानात घट झाली आहे.
दिल्लीतील तापमानात घट
दिल्लीत सोमवारी किमान तापमान ८.९ अंश सेल्सिअस नोंदवले गेले, जे सामान्य तापमानापेक्षा तीन अंशांनी कमी आहे. हवामान खात्याने (IMD) ही माहिती दिली आहे. IMD च्या म्हणण्यानुसार, सोमवारची सकाळ या हंगामातील आतापर्यंतची सर्वात थंड सकाळ होती ज्याचे तापमान ८.९ अंश सेल्सिअस होते. दिल्लीत सोमवारी 9 अंश सेल्सिअस किमान तापमान नोंदवले गेले, जे त्या दिवशी या हिवाळ्यात सर्वात कमी तापमान होते. राजधानी दिल्लीत कमाल तापमान 27.4 अंश सेल्सिअस नोंदवले गेले, जे सामान्य तापमानापेक्षा एक अंश कमी आहे.
दिल्लीत 24 तासांचा सरासरी हवा गुणवत्ता निर्देशांक (310) नोंदवला गेला जो ‘अत्यंत खराब’ श्रेणीत येतो. महत्त्वाचे म्हणजे, 201 ते 300 दरम्यानचा AQI ‘खराब’, 301 ते 400 ‘अतिशय गरीब’ आणि 401 ते 500 ‘गंभीर’ मानला जातो. सकाळी 8.30 वाजता हवेतील आर्द्रता 86 टक्के होती.
राजस्थानचे हवामान
राजस्थानमध्ये थंडीचा मोठ्या प्रमाणावर वाढू लागली आहे. पुढील काही दिवस राजस्थानमध्ये हवामान कोरडे राहण्याचा अंदाज हवामान खात्याने व्यक्त केला आहे. IMD नुसार, जयपूरमध्ये मागील 24 तासांत कमाल आणि किमान तापमान अनुक्रमे 26.6 अंश आणि 12.6 अंश सेल्सिअस होते. जयपूर हवामान केंद्रानुसार डिसेंबरच्या पहिल्या आठवड्यापासून आणखी कडाक्याची थंडी पडू शकते.
या राज्यांत पाऊस पडण्याची शक्यता
दक्षिण भारतातील काही भागात पाऊस सुरू आहे. IMD नुसार, आज तामिळनाडू, केरळसह दक्षिण भारतातील काही भागात पाऊस पडण्याची शक्यता आहे. मुसळधार पावसाच्या सतर्कतेमुळे, मच्छिमारांना पुढील दोन दिवस नैऋत्य आणि लगतच्या आग्नेय आणि पश्चिम-मध्य बंगालच्या उपसागरात मासेमारी करण्यासाठी न जाण्याचा इशारा देण्यात आला आहे.
हे ही वाचा – चीनच्या हेनान प्रांतातील कारखाना आगीच्या भक्ष्यस्थानी; 36 जणांचा होरपळून मृत्यू, अनेक जखमी
