शुक्रवारी सकाळी सात वाजता इस्रोने कर्नाटकातील चित्रदुर्ग येथील एरोनॉटिकल टेस्ट रेंज येथे यशस्वीरित्या पुष्पक विमानाची चाचणी केली.
भारतीय अंतराळ संशोधन संस्था अर्थात इस्रोने शुक्रवारी (22 मार्च 2024) कर्नाटकातील चल्लाकेरे येथील एरोनॉटिकल टेस्ट रेंजमधून ‘पुष्पक’ विमानाचे यशस्वी प्रक्षेपण केले. प्रक्षेपणानंतर विमानाचे यशस्वी लँडिंग देखील झाले.
पुष्पक विमानाला एक पौराणिक संदर्भ देखील आहे. रावणाचा पराभव केल्यानंतर रावणाचे पुष्पक विमान घेऊन प्रभू श्रीराम अयोध्येत परतले होते. तेव्हापासून आपल्याकडे विमान असल्याचा उल्लेख आहे.
RLV-TD उड्डाण आणि लँडिंगचे प्रयोग २०१६ आणि २०२३ मध्ये करण्यात आले. भारताचा हा मोठा प्रयत्न आहे. या विमानाचा वरचा भाग सर्वात महाग आहे. यात महागडी इलेक्ट्रॉनिक्स वस्तू असल्याचे बोलले जात आहे.
अंतराळातील मलबा कमी करण्याचा भारताचा प्रयत्न आहे. पुष्पक विमान हे या दिशेने उचललेले पाऊल आहे. इस्त्रोच्या म्हणण्यानुसार, ही मोहीम अंतराळ संस्थेच्या “पूर्णपणे पुन्हा वापरण्यायोग्य प्रक्षेपण यानासाठी आवश्यक तंत्रज्ञान विकसित करण्याच्या प्रयत्नांचा एक भाग आहे जेणेकरून अंतराळात कमी खर्चात प्रवास आणि प्रवेश करता येईल”.
फेब्रुवारी महिन्यात इस्रोचे प्रमुख सोमनाथ यांनी त्रिवेंद्रम येथील विक्रम साराभाई अंतराळ केंद्राला भेट देताना पंतप्रधान नरेंद्र मोदी यांना आरएलव्ही मोहिमेची माहिती दिली होती.
