महाविकास आघाडी सरकारमधील मंत्री आणि राष्ट्रवादी काँग्रेसचे प्रवक्ते नवाब मलिक यांना ईडीने अटक केली आहे. त्यांच्या अटकेमुळे आता राजकीय वर्तुळात खळबळ उडाली आहे. विरोधी पक्षांकडून मलिकांवरील ईडीची कारवाई कायद्यानुसार असल्याचे म्हटले जातेय. तर महाविकास आघाडी सरकारमधील मंत्र्यांनी ही कारवाई राजकीय नेत्यांना केंद्राच्या दबावाखाली ठेवण्यासाठी केल्याचे म्हटले जातेय. एकूणच नबाव मलिका यांची चौकशी, अटक आणि ईडी कोठडीपर्यंतचा घटनाक्रम काय होता जाणून घेऊ… (फोटो – दिपक साळवी)
आज पहाटे 5 च्या सुमारास ईडीच्या अधिकाऱ्यांनी मंत्री नबाव मलिक यांना चौकशीसाठी ईडीच्या कार्यालयात आणले.
दरम्यान 12 वाजता सर्व कार्यकर्ते राष्ट्रवादीच्या कार्यालयासमोर एकत्र येत थेट ईडीच्या कार्यालयात घुसण्याचा प्रयत्न केला परंतु पोलिसांनी त्यांना अटकाव केला.
नबाव मलिक यांना ईडीने अटक केल्यापासून सोशल मीडियावर महाविकास आघाडीच्या नेत्यांकडून प्रतिक्रिया देत भाजपवर निशाणा साधला.
ना डरेंगे ना झुकेंगे, असं ट्विट नवाब मलिक कार्यालयातून करण्यात आले.
आठ तासांच्या चौकशीनंतर नवाब मलिक यांची वैद्यकीय तपासणी करत त्यांना दुपारी 4.46 वाजताच्या दरम्यान पीएमएलए कोर्टात हजर करण्यात आले.
दोन्ही बाजूंचा दोन तासांपासून सुरु असलेला युक्तीवाद ऐकून घेतल्यानंतर अखेर नवाब मलिक यांना ३ मार्चपर्यंत ईडीची कोठडी सुनावण्यात आली आहे.
ईडीकडून नवाब मलिक यांच्या १४ दिवसांच्या कोठडीची मागणी कऱण्यात आली होती. मात्र न्यायालयाने आठ दिवसांचीच कोठडी मंजूर केली आहे.
