भारताचा सलामीवीर लोकेश राहुलने दमदार कामगिरी सुरु ठेवली आहे. राहुलला जवळपास दोन वर्षे कसोटी संघाबाहेर बसावे लागले होते. परंतु, इंग्लंडविरुद्ध पहिल्या कसोटीत त्याने आव्हानात्मक परिस्थितीत महत्त्वपूर्व अर्धशतकी खेळी केली होती. त्याने चांगला फॉर्म कायम राखताना आजपासून सुरु झालेल्या दुसऱ्या कसोटीच्या पहिल्याच दिवशी शतक झळकावले. लॉर्ड्सवर होत असलेल्या सामन्यात राहुलने २१२ चेंडूत कसोटी कारकिर्दीतील सहावे शतक केले. त्यामुळे ८० षटकांनंतर भारताची पहिल्या डावात २ बाद २५२ अशी धावसंख्या होती. राहुल १०६ धावांवर, तर कर्णधार विराट कोहली ४० धावांवर नाबाद होता.
What an innings!
Test century No.6 for KL Rahul 👏👏#WTC23 | #ENGvIND | https://t.co/rhWT86mZ0z pic.twitter.com/wTsKAdNuqX
— ICC (@ICC) August 12, 2021
राहुल-कोहलीची शतकी भागीदारी
या सामन्यात राहुल आणि रोहित शर्मा या भारतीय सलामीवीरांनी अप्रतिम सुरुवात केली. या दोघांनी १२६ धावांची सलामी दिली. रोहितने उत्कृष्ट फलंदाजी करत १४५ चेंडूत ८३ धावांची खेळी केल्यावर त्याला जेम्स अँडरसनने बाद केले. अँडरसननेच मग पुजारालाही अवघ्या ९ धावांवर माघारी पाठवले. यानंतर मात्र राहुलला कर्णधार कोहलीची चांगली साथ लाभली. या दोघांना शतकी भागीदारी रचण्यात यश आले. पहिल्या कसोटीच्या पहिल्या डावात ८४ धावांची खेळी करणाऱ्या राहुलने दुसऱ्या कसोटीत २१२ चेंडूत ९ चौकार आणि एका षटकाराच्या मदतीने शतक पूर्ण केले.
💯
An excellent CENTURY from @klrahul11 at Lord’s. Batted brilliantly throughout, survived a few nervous moments, and now has his century!
Live – https://t.co/KGM2YEualG #ENGvIND pic.twitter.com/mmG5VU227K
— BCCI (@BCCI) August 12, 2021
