स्टेफनी जोएन्ना अँजेलिना जर्मेनोटा अर्थात लेडी गागा हिच्या चाहत्यांसाठी एक धक्कादायक घटना समोर आली आहे. लेडी गागाच्या लास वेगासमध्ये सुरू असलेल्या एका लाइव्ह कॉन्सर्टमध्ये ती गाणं सादर करत असतानाच एक चाहता थेट स्टेजवर चढला आणि त्यानं चक्क लेडी गागाला उचलून घेतलं. बरं हा चाहता फक्त तिला उचलूनच थांबला नाही, तर तो चक्क तिला उचलून नाचायला लागला. यावर लेडी गागा काही बोलणार आणि तिचे सुरक्षारक्षक स्टेजवर येऊन या ‘बिन बुलाये मेहमान’ला बाजूला करणार, इतक्यात हा पठ्ठ्या लेडी गागाला कडेवर घेऊन थेट स्टेजवरून खालीच कोसळला. हा व्हिडिओ ज्या चाहत्याने काढला, त्याला देखील आपल्याला ही घटना कॅमेऱ्यात कैद करता आली, यावर विश्वास बसत नव्हता.
GAGA FALLING OFF STAGE WITH A FAN MOMENTS AGO… #ENIGMA pic.twitter.com/jD65GdpaQe
— LG Updates (@LadyGagaVegas) October 18, 2019
दरम्यान, हा अपघात झाल्यानंतर लागलीच गागाचे सुरक्षारक्षक आणि व्यवस्थापन पथकातील सदस्य तिच्या मदतीसाठी धावले. या अपघातामुळे लेडी गागाला कितपत दुखापत झाली आहे, याविषयी अद्याप काहीही कळू शकलेलं नाही. मात्र, दृश्यांवरून तरी तिला फारशी दुखापत झाली नसावी, असंच दिसत आहे.
या अपघाताचा व्हिडिओ व्हायरल झाल्यानंतर लेडी गागाच्या चाहत्यांनी हळहळ व्यक्त केली आहे. ट्वीटरवर त्यावर अनेक प्रतिक्रिया उमटू लागल्या आहेत.
Oh no please don’t be injured
— jenny (@jstiller1596) October 18, 2019
NOOOO!!! HER HIP!!!! pic.twitter.com/pD9oO97kK7
— Tony/Rodrigo (@rodri_go10) October 18, 2019
Who cares about the album, her health is 373774 times more important than LG6 for god’s sake
— Little Monster ? (@into_gaga) October 18, 2019
I bet the fan who almost killed her feels like this. pic.twitter.com/rVDWJ3Mauf
— Cristian Flamingles (@christinoflores) October 18, 2019