प्रियांका चोप्रा ‘भारत’ चित्रपटातून बाहेर झाल्यानंतर आता नक्की या चित्रपटाची हिरॉईन कोण? याचीच सगळ्यांना उत्सुकता होती. मात्र आता यावरचा पडदा उठला असून, सलमान खाननं सोमवारी अधिकृत घोषणा ट्विटरवर केली आहे. ‘एक सुंदर आणि सुशील मुलगी जिचं नाव आहे कतरिना कैफ, स्वागत आहे तुझं ‘भारत’च्या आयुष्यात,’ असं ट्विट करत एखाद्या जाहिरातीच्या अंदाजात सलमान खानने ही घोषणा केली. सर्वात महत्त्वाचं म्हणजे इतक्या सर्व घडामोडीनंतर शेवटी ‘भारत’ चित्रपटाला हिरॉईन मिळाली आहे.
Ek sundar aur shusheel ladki jiska Naam hai Katrina Kaif …. Swagat hai aapka #Bharat ki zindagi mein … pic.twitter.com/XDVyiNCPBI
— Salman Khan (@BeingSalmanKhan) July 30, 2018
भारतची लाईफलाईन आहे कतरिना
सलमान खाननं ट्विट केल्यानंतर चित्रपटाचा दिग्दर्शक अली अब्बास जाफरनंदेखील ट्विट करत या गोष्टीला पुष्टी दिली आहे. ‘@Bharat_TheFilm भारतची लाईफलाईन आहे कतरिना कैफ’ असं ट्विट करत कतरिनाचं स्वागत केलं आहे. प्रियांका चोप्रानं हा चित्रपट सोडल्याची माहितीदेखील अली अब्बास जाफरनंच ट्विट करून दिली होती. कतरिनाबरोबर काम करण्यासाठी दिग्दर्शक अली अतिशय उत्साही असून या त्रिकूटाचे आधीचे चित्रपटही बॉक्स ऑफिसवर तुफान चालले आहेत. तर यावेळी प्रतिभाशाली अभिनेत्रीबरोबर काम करणं हा खूपच चांगला अनुभव असेल असंही मत अलीनं व्यक्त केलं आहे.
Katrina kaif plays Bharat’s life line in @Bharat_TheFilm . Looking forward to this 3 collaboration buddy after MBKD and TZH…. pic.twitter.com/87sMo6bZiF
— ali abbas zafar (@aliabbaszafar) July 30, 2018
‘भारत’ हा सलमान आणि अलीचा ड्रीम प्रोजेक्ट
‘भारत’ हा चित्रपट सलमान खान आणि अली जाफर दोघांचाही ड्रीम प्रोजेक्ट असल्याचं त्यांनी सांगितलं होतं. साऊथ कोरियन ‘ओ टू माय फादर’ या चित्रपटाचा हा रिमेक आहे. या चित्रपटामध्ये १९५० ते २०१४ चा कालावधी एका सामान्य नागरिकाच्या नजरेतून पडद्यावर चित्रीत करण्यात आला आहे. ‘भारत’ची कथाही अशाच स्वरूपाची आहे. यामध्ये देशाच्या स्वातंत्र्यानंतरचा आतापर्यंतचा कालावधी सलमानच्या भूमिकेच्या नजरेतून दाखवण्यात येणार असल्याची माहिती आहे.
