भारतीय लोकांना संयुक्त अरब अमिराती (UAE)कडून मंजूरी मिळालेल्या लसीचे दोन डोस घेतल्यानंतर दुबईत एंट्री मिळणार आहे. त्याच्याकडे वैध निवास व्हिसा (valid residence visa) असणे आवश्यक आहे. अलीकडेच अमिराती एअरलाईन्स (Emirates airline) भारत, दक्षिण आफ्रिका आणि नायजेरियाहून उड्डाणांना २३ जूनपासून सुरुवात करण्यात येणार असल्याची घोषणा केली आहे. दरम्यान दुबई सरकारने प्रवासी निर्बंधामध्ये सूट जाहीर केली आहे. एप्रिलमध्ये कोविड महामारीच्या दुसऱ्या लाटेच्या उद्रेका दरम्यान भारतातील प्रवाशांना UAEचे दरवाजे बंद केले होते.
नवी नियम वाचा
- वैध निवासी व्हिसा घेऊन आलेल्या प्रवाशांसाठी यूएईकडून मान्यता प्राप्त लसीचे दोन्ही डोस घेणे अनिवार्य आहे.
- यूएईमध्ये सिनोफार्म (Sinopharm), फायझर-बायोएनटेक (Pfizer-BioNTech), स्पुटनिक व्ही आणि ऑक्सफोर्ड एस्ट्रानेजेका (AstraZeneca)ला मंजूरी दिली गेली आहे.
- भारतातून दुबईला जाणाऱ्या सर्व प्रवाशांकडे ४८ तासांदरम्यान केलेला RT-PCR टेस्ट निगेटिव्ह अहवाल असणे गरजेचे आहे. फक्त QR कोडवाले निगेटिव्ह PCR टेस्ट प्रमाणपत्र स्वीकारले जाईल.
- दुबईसाठी उड्डाण होण्यापूर्वी सर्व भारतीय प्रवाशांना चार तासांपूर्वी रॅपिड PCR टेस्ट करावी लागेल.
- दुबईत पोहोचल्यानंतरही RT-PCR टेस्ट करावी लागेल.
- तसेच RT-PCR टेस्टचे अहवाल येईपर्यंत भारतीय प्रवाशांना क्वारंटाईन व्हावे लागले. हा अहवाल २४ तासांत येतो.
दरम्यान दुबई एअरपोर्टचे टर्मिनल १ १५ महिन्यांनंतर गुरुवारपासून खुले केले जाईल. कोरोना व्हायरसमुळे गेल्या वर्षी टर्मिनल २ आणि ३ बंद केले होते. आता दुबईत प्रवाशी येण्याची संख्या अधिक असल्याची शक्यता आहे. त्यामुळे गाईडलाईन्स जारी केली आहे.
Emirates welcomes the latest protocols and measures announced by Dubai's Supreme Committee of Crisis and Disaster Management to allow the safe resumption of passenger travel from South Africa, Nigeria and India to Dubai. (1/3) https://t.co/AFq1HMuLiu
— Emirates Airline (@emirates) June 19, 2021
