ज्योतिष शास्त्रात राशींना विशेष स्थान प्राप्त आहे. ज्योतिष शास्त्रात एकूण 12 राशी आहेत ज्या 27 नक्षत्रांमध्ये विभाजित केल्या जातात. जन्म नक्षत्रानुसार प्रत्येक व्यक्तीची एक रास असते. व्यक्तीच्या राशीनुसार त्याचा स्वभाव, गुण तसेच राशीचा ग्रह स्वामी सांगितला जातो. ज्योतिष शास्त्रातील 12 राशींपैकी पहिली मेष रास मानली जाते. आज आम्ही तुम्हाला मेष राशीच्या व्यक्तींबद्दल स्वभावातील गुण, अवगुण सांगणार आहोत.
मेष रास
मेष राशीचा स्वामी ग्रह मंगळ आहे. त्यामुळे या व्यक्तींमध्ये मंगळ ग्रहाप्रमाणे उत्साह दिसून येतो. मेष राशीचे व्यक्ती वेगवान, आशावादी आणि आत्मकेंद्रित असतात तसेच ते निर्भय आणि धैर्यवान देखील असतात. या राशीच्या लोकांना आपलं आयुष्य नेहमी त्यांच्या मनाप्रमाणे जगायला आवडतं. असे लोक आपल्या विचारसरणीशी तडजोड करत नाहीत. एखादे ध्येय निश्चित केल्यानंतर, मेष राशीचे लोक मोठ्या उत्साहाने त्यासाठी जातात, परंतु ते शेवटपर्यंत कामाचा उत्साह टिकवून ठेवण्यास असमर्थ ठरतात.
मेष राशीच्या व्यक्तींचे अवगुण
मेष राशीचे लोक गर्विष्ठ असतात. हे अनेकदा इतरांच्या भावना आणि मतांबद्दल थोडेसे असंवेदनशील असतात. त्यांचा हट्टी स्वभाव त्यांचा अवगुण मानला जातो. यांना हातात घेतलेल्या गोष्टी मध्येच सोडण्याची सवय असते.
मेष राशीच्या व्यक्तींनी करा हनुमानाची उपासना
मेष राशीचा स्वामी मंगळ ग्रह असल्याने त्यांनी हनुमानाची पूजा करावी. तसेच दररोज हनुमान चालिसेचे पठण करावे.
हेही वाचा :