प्रदूषित हवेमध्ये दीर्घकाळापर्यंत श्वास घेतल्याने कोरोना बाधितांचा मृत्यू होण्याची शक्यता लक्षणीय वाढली आहे. एका अभ्यासानुसार जगभरातील वायू प्रदूषणामुळे कोरोना झालेल्या १५ टक्के अधिकांचा मृत्यू झाला आहे. मंगळवारी हृदय व रक्तवाहिन्यासंबंधी संशोधनात प्रकाशित केलेल्या अभ्यासानुसार जगभरातील वायू प्रदूषणाच्या प्रदर्शनामुळे कोविड -१९ मधील १५ टक्के अधिक मृत्यू झाले आहेत. युरोपमध्ये हे प्रमाण जवळपास १९ टक्के आहे, तर उत्तर अमेरिकेत हे प्रमाण १७ टक्के आहे तर पूर्व आशियामध्ये हे प्रमाण २७ टक्के आहे. संशोधकांच्या मते, जीवाश्म आणि इतर मानवी-इंधनाची जपवणूक केली असती तर प्रदूषण टाळता आले असते. त्यामुळे कोरोनामुळे होणारा मृत्यू टाळता आला असता.
प्रदूषणामुळे झालेल्या सर्वाधिक मृत्यूंपैकी २९% चेकोस्लोवाकियामध्ये होते. तर चीनमध्ये २७ टक्के, जर्मनीमध्ये २६ टक्के, स्वित्झर्लंडमध्ये २२ टक्के, बेल्जियममध्ये २१ टक्के, नेदरलँडमधील १९ टक्के, फ्रान्समध्ये १८ टक्के, जर्मनीमध्ये १६ टक्के, स्वीडनमध्ये १६ टक्के, इटलीमध्ये १५ टक्के, ब्रिटनमधील १४ टक्के लोक आहेत. ब्राझीलमध्ये १२ टक्के, पोर्तुगालमध्ये ११ टक्के, तर न्यूझीलंडमध्ये प्रदूषणामुळे सर्वात कमी १ टक्के कोरोना मृत्यू झाले आहेत.
देशात बाधितांचा एकूण आकडा ८० लाखांच्या उंबरठ्यावर!
देशात कोरोनाचा कहर कायम आहे. आरोग्य आणि कुटुंब कल्याण मंत्रालयाच्या मते, देशात एका दिवसात ४३,८९३ नव्या कोरोना रुग्णांची नोंद करण्यात आली तर ५०८ रुग्णांचा कोरोनामुळे मृत्यू झाला आहे. त्यामुळे देशातील एकूण कोरोना बाधितांची संख्या आता ७९,९०,३२२ झाली आहे. यामध्ये ६,१०,८०३ रुग्णांवर कोरोनाचे उपचार सुरू आहेत. दरम्यान आतापर्यंत ७२,५९,५०९ जणांनी कोरोनावर मात केली असून १,२०,१० रूग्णांचा मृत्यू झाला आहे. दिलासादायक बाब म्हणजे मागील ५ आठवड्यांपासून भारतातील कोरोनाची लागण होणाऱ्या रुग्ण संख्येत सरासरी दररोज नवीन रुग्णांची सातत्याने कमी होत आहेत.
