अमूल दुधाच्या दरात वाढ झाल्यामुळे ऐन दिवाळीच्या वेळी सर्वसामान्यांना महागाईचा मोठा फटका बसला आहे. अमुलने दिल्लीत दुधाच्या दरात २ रुपयांनी वाढ केली आहे. याआधी सुद्धा ऑगस्टमध्ये दुधाच्या दरात वाढ करण्यात आली होती. दिल्लीत एक लीटर फुल क्रीम दुधाची किंमत ६३ रुपये प्रति लिटर झाली आहे.
महागाईच्या आकडेवारीनुसार, पशुखाद्याचा महागाई दर ९ वर्षांच्या २५ टक्क्यांहून अधिक विक्रमी पातळीच्या जवळपास राहिला आहे. त्यामुळे दूध उत्पादक शेतकऱ्यांच्या खर्चात मोठी वाढ झाली आहे. अमुलने वाढत्या खर्चाचे कारण देत किमती वाढवत असल्याचे म्हटले आहे. सप्टेंबर महिन्यात महागाईचा दर २५.५४ टक्के राहिला आहे. गेल्या वर्षी याच महिन्यात २०.५७ टक्के होता. तर ऑगस्ट महिन्यात जनावरांच्या चाऱ्याचा दर २५.५४ टक्क्यांवर पोहोचला होता.
Amul has increased prices of full cream milk and buffalo milk by Rs 2 per litre in all states except Gujarat: RS Sodhi, MD, Gujarat Cooperative Milk Marketing Federation Limited pic.twitter.com/rhbBnVFEJp
— ANI (@ANI) October 15, 2022
राज्यातील गोकुळ तसेच अन्य डेअरींनीही दुधाच्या दरात वाढ केली होती. आता पुन्हा एकदा ऐन सणांच्या काळात दुधाच्या किंमतीत वाढ झाल्यामुळे सर्वसामान्यांना मोठा फटका बसणार आहे.
हेही वाचा : अंधेरी पूर्व विधानसभा मतदारसंघात 3 नोव्हेंबरला सार्वजनिक सुट्टी जाहीर