पंतप्रधान नरेंद्र मोदी यांच्यावर अमेरिकेन अब्जाधीश जॉर्ज सोरोस यांनी जहरी टीका केली, त्यांच्या या टीकेवर भाजपनंतर आता काँग्रेसने हल्लाबोल केला आहे. काँग्रेस नेते जयराम रमेश यांनी ट्विट करत जॉर्ज सोरोस यांना चांगलेच फटकारले आहे. जयराम रमेश म्हणाले की, पंतप्रधान मोदी यांचा समावेश असलेल्या अदानी घोटाळ्यामुळे भारतात लोकशाही पुनरुत्थान सुरु होते की नाही हे सर्वस्वी काँग्रेस, विरोधी पक्ष आणि आमच्या निवडणुक प्रक्रियेकवर अवलंबून आहे.
Whether the PM-linked Adani scam sparks a democratic revival in India depends entirely on the Congress, Opposition parties & our electoral process. It has NOTHING to do with George Soros. Our Nehruvian legacy ensures people like Soros cannot determine our electoral outcomes.
— Jairam Ramesh (@Jairam_Ramesh) February 17, 2023
जयराम रमेश पुढे म्हणाले की, अदानी प्रकरणाशी जॉर्ज सोरोस यांच्याशी काहीही संबंध नाही. आमचा नेहरूवादी वारसा हे सुनिश्चित करतो की, त्यांच्यासारखे लोक आमचे निवडणूक निकाल ठरवू शकत नाहीत. ते पूर्णपणे काँग्रेस, विरोधी पक्ष आणि आमची निवडणूक प्रक्रिया यावर अवलंबून आहे.
PM से जुड़ा अडानी घोटाला भारत में लोकतांत्रिक पुनरुत्थान शुरू करता है या नहीं, यह पूरी तरह कांग्रेस, विपक्ष व हमारी चुनाव प्रक्रिया पर निर्भर है।
इसका जॉर्ज सोरोस से कोई लेना-देना नहीं है।हमारी नेहरूवादी विरासत सुनिश्चित करती है कि उन जैसे लोग हमारे चुनाव परिणाम तय नहीं कर सकते।
— Jairam Ramesh (@Jairam_Ramesh) February 17, 2023
त्याचवेळी काँग्रेस नेते (नॅशनल मीडिया पॅनेलिस्ट, काँग्रेस) सुरेंद्र राजपूत यांनीही जॉर्ज सोरोस यांच्यावर निशाणा साधला आहे. सुरेंद्र राजपूत म्हणाले की, स्मृती इराणी स्पष्टपणे ऐका, पंतप्रधान मोदींपुढे कोणी झुकते की नाही हे पाहणे भाजपचे काम आहे, पण पंतप्रधान मोदींना झुकवण्याची ताकद जगातील कोणत्याही देशाची नाही. भाजपने देशाच्या मागे लपून राहू नये.
स्मृति ईरानी जी साफ़ सुन लो मोदी जी को कोई झुकाये कोई उठाये ये देखना भाजपा का काम है, पर हिंदुस्तान के प्रधानमंत्री को झुकाने की औक़ात दुनिया में किसी की नहीं है।
भाजपा देश के पीछे ना छुपे ।— Surendra Rajput (@ssrajputINC) February 17, 2023
सोरोस यांच्यासाठी भाजप पत्रकार परिषद का घेतयं?
दरम्यान शिवसेनेच्या (उद्धव ठाकरे गट) खासदार प्रियांका चतुर्वेदी यांनी देखील जॉर्ज सोरोस यांच्यावर टीकास्त्र डागले आहे. प्रियांका चतुर्वेदी म्हणाल्या की, जॉर्ज सोरोस कोण आहे आणि ज्यांच्यासाठी भाजपचे ट्रोल मंत्रालय समर्पित एक पत्रकार परिषद का घेत आहे? मंत्री महोदय, भारताच्या निवडणूक प्रक्रियेत इस्रायली एजन्सीच्या हस्तक्षेपावर काही भाष्य? भारताच्या लोकशाहीला हा मोठा धोका आहे.
Who is George Soros and why is BJP ‘s Troll Mantralaya doing an entire press conference dedicated to him?
BTW, Mantriji any comment on an Israel agency’s interference in India’s electoral process? That is a bigger threat to India’s democracy.— Priyanka Chaturvedi🇮🇳 (@priyankac19) February 17, 2023
नेमकं प्रकरण काय?
अमेरिकन अब्जाधीश जॉर्ज सोरोस यांनी अदानी प्रकरणावरून पंतप्रधान मोदींवर अनेक आरोप केले होते. यानंतर भाजपनेही जॉर्ज सोरोस यांच्यावर हल्लाबोल केला. यावर स्मृती इराणी म्हणाल्या की, जॉर्ज सोरोस सारख्या लोकांना कमकुवत सरकार असलेला कमकुवत देश हवा आहे आणि त्यांच्या मार्गदर्शक तत्त्वांनुसार तो चालवायचा आहे, पण हा नवा भारत आहे.
