देशात कोरोनाबाधितांची संख्या सातत्याने वाढताना दिसत आहे. महाराष्ट्रासह पंजाब, गुजरात, तामिळनाडू, केरळ आणि कर्नाटक या आठ राज्यांमध्ये कोरोनाचा प्रादुर्भाव झपाट्याने वाढत आहेत. सलग तिसऱ्या दिवशी देशात १८ हजारांहून अधिक नवे कोरोनाबाधित रुग्ण आढळले आहेत. मागील २४ तासांत देशात १८ हजार ५९९ नव्या कोरोनाबाधितांची वाढ झाली असून ९७ जणांच्या मृत्यू नोंद झाली आहे. त्यामुळे देशातील कोरोनाबाधितांची संख्या १ कोटी १२ लाख २९ हजार ३९८वर पोहोचली आहे. यापैकी आतापर्यंत १ लाख ५७ हजार ८५३ जणांचा मृत्यू झाला आहे.
India reports 18,599 new COVID-19 cases, 14,278 recoveries, and 97 deaths in the last 24 hours
Total cases: 1,12,29,398
Total recoveries: 1,08,82,798
Active cases: 1,88,747
Death toll: 1,57,853 pic.twitter.com/ysRzPni8lH— ANI (@ANI) March 8, 2021
तसेच मागील २४ तासांमध्ये १४ हजार २७८ रुग्ण बरे होऊन गेले असून आतापर्यंत देशातील १ कोटी ८ लाख ८२ हजार ७९८ कोरोनामुक्त झाले आहेत. सध्या देशात १ लाख ८८ हजार ७४७ रुग्णांवर उपचार सुरू आहेत.
जगातील कोरोना बळींची संख्या २६ लाख पार!
वर्ल्डोमीटरच्या आकडेवारीनुसार, जगातील कोरोनाबाधितांची संख्या ११ कोटी ७४ लाख ४९ हजार पार गेली आहे. यापैकी आतापर्यंत २६ लाख ५ हजारांहून अधिक जणांचा मृत्यू झाला असून ९ कोटी २९ लाख ६४ हजारांहून अधिक जण कोरोनामुक्त झाले आहेत.
हेही वाचा – Corona: अधिवेशनावर कोरोनाचं आणखीन गडद सावट: पुन्हा ३६ जण आढळले ‘पॉझिटिव्ह’