भारतामध्ये कोरोनाचा प्रादुर्भाव दिवसेंदिवस वाढताना दिसत आहे. कोरोना रुग्णांच्या संख्येत झपाट्याने वाढ होत आहे. त्यामुळे आरोग्य यंत्रणेवर ताण आला आहे. मात्र, असे असले तरी देशभरातील रुग्णालये कोरोनाबाधित रुग्णांची जास्तीजास्त काळजी घेण्याचा, त्यांना उपचार देण्याचा प्रयत्न करत आहे. हे रुग्ण लवकरात लवकर बरे व्हावेत आणि या काळात त्यांना निराशा येऊ नये यासाठी रुग्णालयांचा प्रयत्न आहे. बऱ्याच रुग्णालयांमध्ये रुग्णांकडून व्यायाम करून घेतला जातो. मात्र, अहमदाबाद येथील एका रुग्णालयाने आपल्या रुग्णांसाठी वेगळा उपक्रम सुरु केला आहे. अहमदाबादच्या सोला सिव्हिल रुग्णालयात रूग्णांच्या उपचारासाठी व्यायामासोबतच म्युझिक थेरपीचा वापर केला जात आहे.
अहमदाबाद में कोरोना मरीज़ों को दी जा रही है म्यूज़िक थेरेपी । इस थेरेपी के ज़रिए कोरोना के मरीज़ों में एक अलग उत्साह देखने को मिला।
देखिए @gopimaniar की #ReporterDiary ।
अन्य वीडियो: https://t.co/mf6keLW7vJ #RE pic.twitter.com/dpf2eaS6Aa— AajTak (@aajtak) May 5, 2021
रुग्णांचे मनोरंजन करण्याचा प्रयत्न
सोला सिव्हिल रुग्णालयात आधी केवळ रुटीन फिजिओथेरपीसाठी लोक येत होते. मात्र, कोरोनाचा प्रादुर्भाव वाढल्यानंतर आम्ही रुग्णांना आयसोलेशन वॉर्ड उपलब्ध करून दिले. कोरोनाबाधित रुग्ण हे थोडे चिंतेत, थोडे निराशा असल्याचे आम्हाला लक्षात आले. त्यामुळे आम्ही त्यांच्याकडून व्यायाम करून घेण्यासोबतच त्यांचे मनोरंजन करण्याचा प्रयत्न केला. त्यामुळे आम्ही म्युझिक थेरपीला सुरुवात केली, असे या रुग्णालयातील डॉक्टरांनी सांगितले.