जम्मू – काश्मीरमधील हंदवाडा येथे सुरक्षा दल आणि दहशतवाद्यांमध्ये चकमक झाली असून या चकमकीत एका दहशतवाद्याला कंठस्नान घालण्यात यश आले आहे. चकमकीच्या पार्श्वभूमीवर परिसरातील मोबाइल इंटरनेट सेवा बंद करण्यात आली आहे. हंदवाडामधील क्रालगुंड येथे बुधवारी रात्री सैन्याच्या पथकावर दहशतवाद्यांनी ग्रेनेड हल्ला केला. यात कोणतीही जीवितहानी झाली नाही. यानंतर सुरक्षा दलांनी परिसरात शोधमोहीम राबवली. गुरुवारी सकाळपर्यंत परिसरात शोधमोहीम राबवली जात होती.
Jammu and Kashmir: One terrorist has been gunned down by security forces in Handwara. Operation continues (visuals deferred by unspecified time) pic.twitter.com/UOPILlUn90
— ANI (@ANI) March 7, 2019
परिसरात मोबाइल इंटरनेट सेवा बंद
पहाटे सुरक्षा दलांनी केलेल्या कारवाईत एका दहशतवाद्याला कंठस्नान घालण्यात यश आले आहे. दहशतवाद्याची ओळख अद्याप पटलेली नसून चकमकीच्या पार्श्वभूमीवर परिसरात मोबाइल इंटरनेट सेवा बंद करण्यात आली आहे. दरम्यान, चार दिवसांपूर्वीही हंदवाडा येथे चकमक झाली होती. ७२ तास ही चकमक सुरु होती. या चकमकीत सुरक्षा दलांनी २ दहशतवाद्यांना कंठस्नान घातले. तर पाच जवानही या चकमकीत शहीद झाले होते.
Jammu and Kashmir: Brief exchange of fire between security forces and terrorists in Kralgund,Handwara. Search operation underway.More details awaited. pic.twitter.com/vovoehmWhq
— ANI (@ANI) March 7, 2019
