हल्लीच्या धावपळीच्या युगात जशी कामाची दगदग वाढली त्यावर उपाय म्हणून सोयीसुविधासुद्धा वाढल्या आहेत. या डिजीटल युगात टेक्नोलॉजीच्या मदतीने अनेक कामे सोयीस्कर झाली आहेत.याच पार्श्वभूमीवर हल्ली प्रत्येकजण धावपळीतून वेळ न मिळत असल्याने होम डिलीवरी पुरवणाऱ्या सेवांचा उपयोग करतात.याच होम डिलीवरी सर्व्हिसच्या क्षेत्रातील ग्रोफर्स या कंपनीचे नाव बदलून ‘ब्लिंकिट’असे करण्यात आले आहे.Zomato आणि SoftBank द्वारे अर्थसहाय्यित, कंपनीने काही महिन्यांपूर्वी १० -मिनिटांच्या डिलिव्हरीच्या वचनासह आपली जलद वितरण सेवा सुरू केली.
ब्लिंकिटने एका ब्लॉगपोस्टमध्ये म्हटले आहे, “काही महिन्यांपूर्वी, आम्ही आमच्या ग्राहकांना त्यांच्या दैनंदिन जीवनात आवश्यक असलेल्या बहुतांश वस्तूंच्या १० मिनिटांच्या डिलिव्हरीसह कॉमर्सचे भविष्य घडवण्याच्या प्रवासाला सुरुवात केली.
“ब्लॉगपोस्टनुसार, कंपनी आधीच तिच्या सेवेअंतर्गत भारतातील १२ शहरांमध्ये एका आठवड्यात दहा लाखांहून अधिक ऑर्डर पूर्ण करत आहे. सध्या, ग्रोफर्सना महिन्याला सुमारे ३० लाख ऑर्डर्स मिळतात. गेल्या दोन महिन्यांत ऑर्डर ३.५ पट वाढल्या आहेत.ग्रोफर्स कंपनीला अलीकडेच युनिकॉर्न कंपनीचा दर्जा मिळाला आहे आणि ती $1 अब्ज किमतीची कंपनी बनली आहे. झोमॅटोला $१२० दशलक्ष गुंतवणूक मिळाल्यानंतर युनिकॉर्न कंपन्यांपैकी एक म्हणून ग्रोफर्स कंपनीला ओळख मिळाली.
हे ही वाचा – Mumbai Lift Collapsed: अंधेरीतील इमारतीमध्ये लिफ्ट कोसळली; ३ मुलांसह २ महिला जखमी
