डोक्याला बॉल लागल्यामुळे पेम्ब्रॉकशायर क्रिकेट क्लबचे पंच जॉन विल्यम्स यांचे निधन झाले आहे. ते ८० वर्षांचे होते. पेम्ब्रॉकशायर क्रिकेट क्लबने यासंदर्भात ट्विटर माहिती दिली आहे. गेल्या महिन्यात पेमब्रोक आणि नेरबर्थ यांच्यात सामना सुरु होता. या सामन्यात विल्यम्स यांच्या डोक्यावर बॉल लागला. हा सामना १३ जुलै रोजी वेल्स येथे खेळला गेला. डोक्याला दुखापत झाल्यानंतर त्यांना कार्डिफ येथील वेल्सच्या युनिवर्सिटी ऑफ वेल्स रुग्णालयात दाखल करण्यात आले होते. विल्यम्स यांची प्रकृती गंभीर होती. ते कोमात गेले होते. त्यांच्यावर रुग्णालयात उपचार सुरु होते. मात्र, गुरुवारी अखेर त्यांची प्राणज्योत मालवली. यासंदर्भात पेम्ब्रॉकशायर क्रिकेट क्लबने ट्विट मार्फत माहिती दिली आहे. या ट्विटमध्ये त्यांनी विल्यम्स यांच्या कुटुंबियांच्या दु:खात सहभागी असल्याचे म्हटले.
Sad news this morning regarding umpire John Williams.
John passed away this morning with his family at his bedside. Thoughts of all of Pembrokeshire Cricket are with Hilary and the boys at this difficult and sad time
— Pembrokeshire Cricket ? (@PembsCricket) August 15, 2019
ज्येष्ठ पंच मर्फी यांनी विल्यम्स यांना श्रद्धांजली वाहिली आहे. विल्यम्स हे फार हुशार, कुशल आणि अनुभवी पंच होते, असे ते म्हणाले. या घटनेबाबत आपल्याला माहिती मिळाली तेव्हा आपल्या धक्काच बसल्याचेही ते म्हणाले.
हेही वाचा – स्वातंत्र्यदिनी धोनी लडाखमध्ये
