डिसेंबर महिन्यात बॉलिवूडचा खिलाडी अर्थात अक्षय कुमार प्रेक्षकांना एक गुड न्यूज देणार आहे. हे आम्ही नाही तर चक्क अक्षयनेच ट्वीट करून सांगितले आहे. आता ही नेमकी काय गुड न्यूज आहे असा तुम्हाला प्रश्न पडला असेल ना? तर लवकरच अक्षय गुड न्यूज या चित्रपटात दिसणार आहे. यात त्याच्याबरोबर करिना कपूर मुख्य भुमिकेत दिसेल. राज मेहता यांनी या चित्रपटाच दिग्दर्शन केलं आहे. २७ डिसेंबरला चित्रपट प्रेक्षकांच्या भेटीला येत आहे.
अक्षयनं त्याच्या ट्विटर अकाऊंटवरून चित्रपटाच्या प्रदर्शनाच्या तारखेची घोषणा केली आहे.
#GoodNews for a good start to the new year! See you on 27th December!@karanjohar @apoorvamehta18 #KareenaKapoorKhan @diljitdosanjh @Advani_Kiara @raj_a_mehta @DharmaMovies #CapeOfGoodFilms @ZeeStudios_ pic.twitter.com/hxwxWzEnex
— Akshay Kumar (@akshaykumar) April 27, 2019
अक्षय आणि करिनासोबतच यामध्ये दिलजीत दोसांझ, कियारा आडवाणी, जिमी शेरगिल, अंजना सुखमानी यांच्याही महत्त्वपूर्ण भूमिका आहेत. अक्षयनं त्याच्या ट्विटर अकाऊंटवरून चित्रपटाच्या प्रदर्शनाच्या तारखेची घोषणा केली आहे. ‘गुड न्यूज’ नंतर अक्षय कुमार लवकरच ‘मिशन मंगल’ आणि ‘हाऊसफुल ४’मध्ये झळकणार आहे. तर करीना कपूरचा ‘तख्त’ या प्रेक्षकांच्या भेटीला य़ेत आहे. तख्तमध्ये अनिल कपूर, आलिया भट्ट, जान्हवी कपूर, भूमी पेडणेकर दिसणार आहेत.नुकतीच अक्षयने पंतप्रधान नरेंद्र मोदी यांची मुलाखत घेतली होती. त्यामुळे तो चर्चेत आला होता.