टॉलिवूड अभिनेत्री रश्मिका मंदाना सध्या तिच्या बॉलिवूड पदार्पणामुळे चर्चेत आहे. सध्या रश्मिका तिच्या ‘गुडबाय’ चित्रपटामुळे चर्चेत असून रश्मिकाचा हा पहिला बॉलिवूड चित्रपट असणार आहे. महानायक अमिताभ बच्चन देखील या चित्रपटाचा भाग असणार आहेत. दरम्यान, या चित्रपटाच्या निर्मात्यांनी नुकताच या चित्रपटाचा पोस्टर रिलीज केला आहे.
गुड बायच्या या पोस्टरमध्ये अमिताभ बच्चन आणि रश्मिका पतंग उडवताना दिसत आहे.
अशी आहे चित्रपटाची गोष्ट
या चित्रपटाचे दिग्दर्शन विकास बहलने केलं असून ‘गुडबाय’ची गोष्ट एका कुटुंबावर आणि नात्यांवर आधारित असणार आहे. तसेच या कौटुंबिक चित्रपटामध्ये अनेक गमतीदार किस्से, भावनिक क्षण देखील पाहायला मिळतील. तसेच या चित्रपटात रश्मिका मंदानासोबत अमिताभ बच्चन देखील मुख्य भूमिकेत दिसतील. तसेच या दोघांव्यतिरिक्त नीना गुप्ता, पावेल गुलाटी, एली अवराम, सुनील ग्रोवर आणि साहिल मेहता सुद्धा महत्वाच्या भूमिकेत असतील.
अमिताभ यांनी शेअर केला पोस्टर
View this post on Instagram
अमिताभ बच्चन यांनी त्यांच्या इंस्टाग्राम अकाऊंटवर या चित्रपटाचे पोस्टर शेअर केले असून खाली कॅप्शनमध्ये, “जेव्हा कुटुंबाची साथ असते, तेव्हा कोणी सोबत नसलं तरी त्यांचा सहवास आपल्या सोबत असतो.” असं लिहिलं आहे.
View this post on Instagram
तसेच रश्मिकाने देखील तिच्या इंस्टाग्राम अकाऊंटवर हे पोस्टर शेअर करत लिहिलंय की, “पप्पा आणि मी, 7 ऑक्टोबरला येत आहोत तुमच्या कुटुंबाला भेटायला.”
