बॉलिवूड अभिनेता शाहरुख खानचा ‘पठाण’हा चित्रपट येत्या वर्षात प्रदर्शित होणार आहे. हा चित्रपट महिन्याभरापासून चर्चेत आहेत. परंतु ‘पठाण’हा चित्रपट मागील काही दिवसांपासून वादाच्या भोवऱ्यात अडकला आहे. चित्रपटातील ‘बेशरम रंग’या गाण्याबद्दल काही लोक सतत विरोध करत आहेत. शिवाय या गाण्यामध्ये दीपिकाने भगव्या रंगाची बिकनी घालून हिंदूंच्या भावना दुखावल्याचा आरोप अनेकांकडून करण्यात आला आहे. या चित्रपटामुळे सामान्य व्यक्तींपासून राजकीय व्यक्तींपर्यंत अनेकजण आपली प्रतिक्रिया मांडू लागले आहेत. दरम्यान, अशातच आता पाकिस्तानी गायक सज्जाद अलीने यावर प्रश्न उपस्थित केला आहे.
पाकिस्तानी गायक सज्जाद अलीचा आरोप
View this post on Instagram
पाकिस्तानी गायकाने पठाण चित्रपटातील बेशरम रंग या गाणं कॉपी केलं असल्याचा आरोप केला आहे. सज्जाद अलीच्या मते, हे गाणं ‘अब के हम बिछडे’ या जुन्या पाकिस्तानी गाण्याशी मिळत-जुळत आहे. बेशरम रंग हे गाणं कॉपी केलेलं आहे. सज्जाद खानच्या या आरोपावर अनेक जण कमेंट करु लागले आहेत. त्यातील एकाने लिहिलंय की, खरंच हे पठाणच्या बेशर्म गाण्यासारखे वाटत आहे. तर काही नेटकऱ्यांनी या दोन्ही गाण्यांना वेग-वेगळं कंपोजिशन असल्याचं म्हटलं आहे.
25 जानेवारी रोजी प्रदर्शित होणार चित्रपट
बॉलिवूड अभिनेता शाहरुख खान जवळपास 4 वर्षानंतर चित्रपटामध्ये झळकताना दिसणार आहे. शाहरुख खान सध्या त्याच्या आगामी चित्रपटांमुळे चर्चेत आहे. 2018 मधील ‘जीरो’ चित्रपटानंतर शाहरुख बॉलिवूडमध्ये पुन्हा धमाकेदार कमबॅक करत आहे. 25 जानेवारी 2023 मध्ये शाहरुखचा बहुचर्चित ‘पठाण’ चित्रपट प्रदर्शित होणार आहे. या चित्रपटाचे दिग्दर्शन सिद्धार्थ आनंद करत असून शाहरुख व्यक्तिरिक्त दीपिका पादुकोण आणि जॉन अब्राहम देखील मुख्य भूमिकेत दिसतील. जॉन अब्राहम चित्रपटात खलनायकाच्या भूमिकेत दिसेल.
हेही वाचा :
